SURAT NI SI PAULUS TU PARLAGUTAN ROM 8:15 - BIBEL JAMITA NA DENGGAN

¹⁵ Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

SURAT NI SI PAULUS TU PARLAGUTAN ROM 8:15 ပူးပေါင်းရင်းမြစ်များ

HARURUAR 20:19

Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

BILANGAN 17:12

Dung i didok halak Israel ma tu si Musa, “Muda songon i do, marmara ma hami!

MATEUS 25:25

Mabiar do au, gabe hubunihon hepeng ni tuan i di bagasan tano. On pe, indon ma hepeng ni tuan i.’

MARKUS 14:36

Didok Ia ma, “Abba, o Amang, inda adong na so tarpatupa Ho ale Amang. Buat ma parkancitan on sian Au. Tapi, ulang ma marguru tu lomo ni rohangKu tapi lomo ni rohaMu ma Amang.”

LUKAS 11:2

Dung i didok Jesus ma tu halahi, “Muda martangiang hamu songon on ma dok hamu, ‘Ale Amangnami. Pinarbadia ma goarMu. Ro ma HarajaanMu.

LUKAS 22:42

didok Ia ma, “Ale Amang, sugari ra ma Ho, pasalpu ma panginuman sitaonon on sian Au; tapi nada anggo hagiotKu na tulus, hagiotMu ma patulus!” [

LUKAS 8:28

Di na niidania Jesus, mangangguhi ma ia jana marsomba di jolo ni Jesus, marsurak ma ia, “O, Jesus Anak Ni Debata Na Guminjang! Na giot mahua do Ho tu au? Gomos ma hupangidohon, ulang ma parkanciti au!”

LUKAS 8:37

Dung i gomos ma dipangido sude halak na di Luat Gerasa i tu Jesus, anso morot Ia sian inganan i, hara ni santakna biar ni halahi sude. Dung i marparau ma Jesus laho mulak.

JOHANNES 16:8

Jana muda dung ro Ia, pabotohononNia ma tu portibi on arti ni dosa na satutuna, arti ni hatigoran dohot arti ni panguhuman.

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

BAENON NI ANGKA RASUL 16:29

Dipangido kapala ni hurungan i ma sulu, dilojong ia tu bagasan. Humitir ma ia manungkap di jolo ni si Paulus dohot si Silas.

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

SURAT NI SI PAULUS TU PARLAGUTAN ROM 8:16

Rap manyaksihon do Tondi Ni Debata dohot tondinta laho patangkaskon na tutu hita dakdanak ni Debata.

SURAT NI SI PAULUS TU PARLAGUTAN ROM 8:23

Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

SURAT NI SI PAULUS TU PARLAGUTAN ROM 8:26

Laing songon i do Tondi Ni Debata, na ro do i mangurupi hita di hagaleanta. Angke anggo hita nada taboto sanga na tarbia sapatutna hita martangiang. Tapi Tondi i sandiri do mangadop tu Debata laho mangidohon di hita sian lungun ni roha na so tarhatahon jabat nada tuk hata pajojorkonsa.

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

1 KORINTUS 2:12

Jana nada dilehen tu hita tondi ni portibi on, tapi Tondi na sian Debata do, anso taboto sudena na nibasa-basahon ni Debata tu hita.

2 KORINTUS 11:4

Harana sai jop do rohamunu manjagit sanga ise na ro mandapotkon hamu jana mangajarkon Jesus na asing – nada Jesus na hami ajarkon i tu hamu. Jana dijagiti hamu do “Tondi” dohot “Jamita Na Denggan” na tangkas sajo marasing sian Tondi Parbadia dohot sian Jamita Na Denggan na dung nijagitmunu sian hami.

GALATIA 2:4

haru pe bahat angka pangalancap na marsuru ia mambaen songon i. Angka halak na manyisip-nyisipi do i tu hita jana dipaula-ula halahi ma songon na donganta halahi. Disisipi halahi ma masuk tu hita laho manangkasi sanga na bia pangalaho ni haluaan na adong di hita hara ni hasadaonta dohot Kristus Jesus. Na giot paulakkon hita do halahi tu pangalaho na parjolo, i ma na gabe hatoban muse,

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

IBRANI 2:15

Jadi songon i ma dalanna dibaen Ia laho paluahon angka jolma na niparhatoban ni biar mida hamatean i sapanjang mangolu.

JAKOBUS 2:19

Nada he porsaya do ho hum sada do Debata? Denggan do i! Tapi setan i pe porsaya do jana humitir halahi hara ni biarna!

1 JOHANNES 4:18

Nada adong biar ni roha di bagasan holong; holong na sanggam mangagohon sude biar; angke adong do uhuman di bagasan biar i. Jadi barang ise na mabiar; nada dope sanggam ia di bagasan holong.