SURAT NI SI PAULUS TU PARLAGUTAN ROM 8:14 - BIBEL JAMITA NA DENGGAN

¹⁴ Sanga ise na nitogu-togu ni Tondi Ni Debata, i do dakdanak ni Debata.

SURAT NI SI PAULUS TU PARLAGUTAN ROM 8:14 ပူးပေါင်းရင်းမြစ်များ

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

PODA 8:20

Dalan hajujuron do na huihutkon, di dalan hatigoran do na hulangkahon.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

MATEUS 5:9

Martua ma angka na mambaen dame, dibaen nigoar do halahi anak ni Debata.

JOHANNES 1:12

Tapi sanga ise na manjagit Ia jana porsaya tuSia, dilehen Ia do hak gabe dakdanak ni Debata,

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

SURAT NI SI PAULUS TU PARLAGUTAN ROM 8:5

Anggo halak na mangolu marguru tu bako ni hajolmaonna, sai na tumbuk tu hagiot ni bako ni jolma do dipasari-sari i. Tapi anggo halak na mangolu mangihutkon Tondi Ni Debata, sai jop ni roha ni Tondi i do dipasari-sari halahi.

SURAT NI SI PAULUS TU PARLAGUTAN ROM 8:9

Tapi anggo hamu ale angka dongan, nada mangihutkon bako ni jolma hamu mangolu. Mangihutkon Tondi do hamu mangolu, muda tutu Tondi Ni Debata mangingani dirimunu. Sanga ise na so maruli Tondi Ni Kristus, nada Kristus nampuna ia.

SURAT NI SI PAULUS TU PARLAGUTAN ROM 9:26

Jana sanga didia inganan na nidok ni halak, ‘Nada bangsongKu hamu,’ apala disi ma angka jolma i goaran angka dakdanak ni Debata na mangolu i.”

SURAT NI SI PAULUS TU PARLAGUTAN ROM 9:8

Jadi sian i, anggo pomparan ni si Abraham na gabe dakdanak ni Debata, hum pomparannia na sorang hara ni janji ni Debata sajo do; jadi nada sude pomparannia i.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

GALATIA 3:26

Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.

GALATIA 4:5

Anso laing tartobus Ia muse angka jolma na mangolu di toru ni angka Tona i. Boti anso laing dohot ma hita diangkat Debata gabe dakdanakNia.

GALATIA 4:6

Dibaen dakdanak ni Debata do hamu, disuru Debata muse ma Tondi Ni AnakNia i masuk tu bagasan rohanta, i ma Tondi na pio-pio, “Abba, ale Amang.”

GALATIA 5:16

Na hudok songon on: Mangolu ma hamu marguru tu na niajarkon ni Tondi i, anso ulang dipaolo-oloi hamu be bakomunu humani na jat i.

GALATIA 5:18

Tapi muda Tondi Parbadia do manogu hamu, tontu inda dirajai Tona be hamu.

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 JOHANNES 3:24

Barang ise na mangoloi angka na niparentahonNia, na maringanan do ia di bagasan Debata, jana Debata di bagasan ia. Jana taboto ma bahaso Debata maringanan di bagasan hita, i ma hara ni Tondi na dung dilehenNia tu hita.

HALUMBAAN 21:7

Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.