SURAT NI SI PAULUS TU PARLAGUTAN ROM 7:5 - BIBEL JAMITA NA DENGGAN

⁵ Angke taran mangolu di bagasan bako ni jolma dope hita, margogo do hagiot ni dosa na ro markite-hite Tona i, na markarejo di bagasan goar-goaran ni pamatangta i, mamparbatuhon hamatean.

SURAT NI SI PAULUS TU PARLAGUTAN ROM 7:5 ပူးပေါင်းရင်းမြစ်များ

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

JOHANNES 3:6

Dibaen sibuk do na tubu sian sibuk, jana tondi do na tubu sian Tondi.

SURAT NI SI PAULUS TU PARLAGUTAN ROM 1:26

Jadi hara ni na songon i dibaen jolma i, gabe dipadiar Debata noma halahi mangihutkon hagiot na pailahon i. Angka dadaboru nada markagiot be di halaklahi songon na somal di hajolmaon; tu donganna dadaboru noma dihagioti rohana.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 4:15

Dibaen anggo Tona i manubuhon rimas ni roha; angke barang di dia nada adong Tona, nada adong disi pangalaosion.

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

SURAT NI SI PAULUS TU PARLAGUTAN ROM 6:19

Mangihutkon hasomalan ni jolma do mangkatai au dohot hamu, anso ummura astuanmunu. Songon na dipasahatmunu na jolo goar-goaran ni pamatangmunu tu na mangoloi hahodaran dohot hajahatan na maroban hamu tu hahodaron, laing songon i saonnari pasahat hamu ma goar-goaran ni pamatangmunu gabe hatoban ni hatigoran, jana anso gabe badia ma hamu.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

SURAT NI SI PAULUS TU PARLAGUTAN ROM 7:23

tapi tangkas muse do huboto bahaso adong dope tona na asing di bagasan goar-goaran ni pamatangku na maralo tu na nidok ni tona na nioku ni taroktokki. Hara ni i ma umbaen na tarrahut au tu tona ni dosa na adong di bagasan goar-goaran ni pamatangku.

1 KORINTUS 15:56

Anggo corot ni hamatean i, i ma dosa jana kuaso ni dosa i, i ma Tona i.

2 KORINTUS 10:3

Tutu nian laing di portibi on dope hami maringanan, tapi nada sinjata na nipake ni portibi on hami pake na marjuang i.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

JAKOBUS 4:1

Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?

1 JOHANNES 3:4

Sanga ise na mambaen dosa, na mangalaosi Tona Ni Debata do i; angke na nidok dosa, i ma karejo na mangalaosi Tona Ni Debata.