SURAT NI SI PAULUS TU PARLAGUTAN ROM 7:3 - BIBEL JAMITA NA DENGGAN

³ Muda rap ia dohot bayo na asing taran di ngolu ni halaklahinia i, gabe margoar ma anakboru i siparkarosuan. Tapi anggo dung jumolo halaklahinia i, madung malua ia sian Tona i. Jadi muda marbagas ia mangulahi tu halaklahi na asing, nada dohonon be ia siparkarosuan.

SURAT NI SI PAULUS TU PARLAGUTAN ROM 7:3 ပူးပေါင်းရင်းမြစ်များ

HARURUAR 20:14

Ulang markarosuan.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

MATEUS 5:32

Tapi anggo saonnari Au mandok di hamu: Sanga ise na manyirangkon dadaboruna, asing ni na manyimbil dadaborunia i, bayo i do na mambaen gabe markarosuan dadaborunia i, muda marbagas ma anakboru i. Bayo na mambuat anakboru na songon i pe dohot do i markarosuan.”

SURAT NI SI PAULUS TU PARLAGUTAN ROM 7:2

Umpamana, tunduk do sada dadaboru tu halaklahinia mangihutkon Tona salolot mangolu dope halaklahinia i. Tapi muda mate do halaklahinia i, malua ma ia sian ihot-ihot ni Tona na mangihoti ia tu halaklahinia i.

SURAT NI SI PAULUS TU PARLAGUTAN ROM 7:4

Hara ni i do ale angka donganku, hamu pe madung mate maradopkon Tona markite-hite pamatang ni Kristus, anso gabe nampuna ni halak na asing hamu, i ma nampuna ni na dung dipangolu sian halak na mate, anso marparbatu hita di Debata.

RUT 2:13

Dialusi si Rut ma, “Na denggan ma antong pambaenanmi tu au, amang. Tarapul do rohangku, dibaen lambok ni pangkuling ni amang i tu au, haru pe tumoruk au sian sada parkarejo ni amang i.”