sai tangihon ma tangiang ni halahi. Muda adong sian tonga-tonga ni bangsoMu Israel na marsak roha lalu martangiang tu Ho jana pahortang tanganna adop bagas parsombaan on,
Di tonga-tonga ni halak na mate au ditadingkon songon halak na hona bunu bustang di bagasan kuburan, songon halak na dung dihalupahon, halak na so dapot tolongan be sian Ho.
Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”
“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,
Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.
Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.
Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.
Laing songon i do Tondi Ni Debata, na ro do i mangurupi hita di hagaleanta. Angke anggo hita nada taboto sanga na tarbia sapatutna hita martangiang. Tapi Tondi i sandiri do mangadop tu Debata laho mangidohon di hita sian lungun ni roha na so tarhatahon jabat nada tuk hata pajojorkonsa.
Di na mardomu dohot Kristus, madung disunat hamu. Nada dohot sunat na nibaen ni jolma, tapi dohot sunat na nibaen ni Kristus do; i ma markite-hite na paluahon hamu sian bako ni jolma na adong hian di hamu.
Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.
Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.
ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”