SURAT NI SI PAULUS TU PARLAGUTAN ROM 7:22 - BIBEL JAMITA NA DENGGAN

²² Anggo di bagasan, jop do rohangku adop Tona Ni Debata;

SURAT NI SI PAULUS TU PARLAGUTAN ROM 7:22 ပူးပေါင်းရင်းမြစ်များ

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

MASMUR 1:2

tapi na ringgas patuluskon Tona Ni Tuhan, jana na pahusor-husorkon di bagasan rohana arian dohot bornginna.

MASMUR 119:111

ParentaMu do pusako di au salolot-lolotna, na mambaen rohangku marmoga-moga.

MASMUR 119:113

Sai magigi do au mida halak na meol-eol, tapi huhaholongi do angka TonaMu.

MASMUR 119:127

Huhaholongi do angka parentaMu lobi sian sere na pita.

MASMUR 119:16

Gabe sonang do au dibaen hatontuanMu; nada huhalupahon pangajaranMu.

MASMUR 119:167

Hupatulus angka paraturanMu, jana huhaholongi do i sian sasude rohangku.

MASMUR 119:174

Lungun sajo rohangku di haluaan na sian Ho, Tuhan, dilehen TonaMu do di au hatuaan.

MASMUR 119:24

Angka aturanMu do na gabe silehen sipaingot di au na pasonangkon rohangku.

MASMUR 119:35

Sai gomos ma au marsitiopan tu parentaMu, angke martua do au marhite na mangoloisa.

MASMUR 119:72

Ummarga do di au TonaMu ulang pado sude sinadongan na di tano on.

MASMUR 119:92

TonaMu do mual ni hamogaanku sugari nada songon i, ma pola mate au di hasusaanku.

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

ENDE NA GODANG 5:3

Ma pola hubuka pakeanku; biasi dope pakeonku muse? Madung hubasu patku, biasi dope pakotoronku muse?

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

HAMALIMON 13:39

angkon paresoon ni malim do halakna i. Muda bontar langan do tompa ni tihas i, i ma pano na langkot tusia, dohonon do ias halakna i.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

SURAT NI SI PAULUS TU PARLAGUTAN ROM 2:29

Sabalikna do. Anggo halak Jahudi na tutu, i ma halak na marroha Jahudi; jana sunat na tutu, i ma sunat na di roha i na nibaen ni Tondi i, nada na nibaen marguru tu Tona na tarsurat i sajo. Sian Debata do ro pamujian tu halak na songon i nada sian jolma.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

2 KORINTUS 4:16

Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

KOLOSSE 3:9

Ulang marsigabusan hamu, harana madung ditadingkon hamu ngolumunu na honok i rap dohot sude bakona i.

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.