SURAT NI SI PAULUS TU PARLAGUTAN ROM 7:18 - BIBEL JAMITA NA DENGGAN

¹⁸ Huboto do nian, na so adong sanga aha pe na denggan di bagasan diringku; i ma di bagasan bako na adong di au songon jolma na somal. Adong do nian hagiot ni roha di au, tapi nada mambaen na denggan.

SURAT NI SI PAULUS TU PARLAGUTAN ROM 7:18 ပူးပေါင်းရင်းမြစ်များ

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

JOB 14:4

Tarbaen ma he jolma pardosa parohon na sanggam soada hurangna?

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

MASMUR 119:173

Sai urupi ma tongtong au angke huoloi do antong paraturanMu.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MASMUR 119:32

Sonang do rohangku giot mangoloi parentaMu, angke dibaen Ho do au mur mangastui.

MASMUR 119:40

Lehen ma di au ngolu na imbaru, angke na tigor do Ho, sai por do rohangku mangoloi haputusanMu.

MASMUR 119:5

Sai togu ma nian rohangku mandalankon angka aturanMu.

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

JOHANNES 3:6

Dibaen sibuk do na tubu sian sibuk, jana tondi do na tubu sian Tondi.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 7:15

Harana au sandiri pe nada huastui na hukarejohon; sanga aha por ni rohangku na giot sibaenonku, hape nada hukarejohon; angka na huhagigihon do na hukarejohon.

SURAT NI SI PAULUS TU PARLAGUTAN ROM 7:19

Nada hukarejohon na denggan haru pe por do nian rohangku mangkarejohonsa; balikna do angka pangalaho na jahat do hukarejohon, na so giot ni rohangku.

SURAT NI SI PAULUS TU PARLAGUTAN ROM 7:25

Tarimakasi ma di Debata, markite-hite Jesus Kristus Tuhanta i! Jadi na mangoloi Tona Ni Debata do au mangihutkon rohangku, tapi na mangoloi tona ni dosa do au mangihutkon bako ni hajolmaon.

SURAT NI SI PAULUS TU PARLAGUTAN ROM 7:5

Angke taran mangolu di bagasan bako ni jolma dope hita, margogo do hagiot ni dosa na ro markite-hite Tona i, na markarejo di bagasan goar-goaran ni pamatangta i, mamparbatuhon hamatean.

GALATIA 5:17

Harana maralo do bakomunu na jat i tu hagiot ni Tondi Parbadia jana maralo muse do hagiot ni Tondi Parbadia tu bakomunu humani na jat i. Marsialoan do na dua i, gabe inda tarpatulus hamu be sanga aha por ni rohamunu.

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

PILIPPI 3:12

Nada hudok na dung marhasil au, sanga na dung gabe sanggam. Tapi na torus dope au marusaho manjalahi upa na niparade ni Jesus Kristus i. Hara ni i do umbaen na nitangkupNia au jana dibaen Ia gabe nampunaNia.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.