SURAT NI SI PAULUS TU PARLAGUTAN ROM 7:15 - BIBEL JAMITA NA DENGGAN

¹⁵ Harana au sandiri pe nada huastui na hukarejohon; sanga aha por ni rohangku na giot sibaenonku, hape nada hukarejohon; angka na huhagigihon do na hukarejohon.

SURAT NI SI PAULUS TU PARLAGUTAN ROM 7:15 ပူးပေါင်းရင်းမြစ်များ

1 RAJA-RAJA 8:46

“Muda mardosa bangsoMi tu Ho, sian sahalak pe nada adong na so mardosa, hara ni murukMu gabe dipadiar Ho ditaluhon musu halahi, jana dioban halahi gabe taban-taban tu luat na dao sanga na donok.”

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 101:3

hajahatan nada padiaronku. Huhagigihon do parbuatan ni halak na balik, nada ra au marsiantoan dohot halahi.

MASMUR 119:104

Angka parentaMu do mangalehen di au parbinotoan, gabe huhagigihon sandok na margoar hajahatan.

MASMUR 119:113

Sai magigi do au mida halak na meol-eol, tapi huhaholongi do angka TonaMu.

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

MASMUR 119:163

Huhagigihon do sude gabus, tapi huhaholongi do TonaMu.

MASMUR 119:32

Sonang do rohangku giot mangoloi parentaMu, angke dibaen Ho do au mur mangastui.

MASMUR 119:40

Lehen ma di au ngolu na imbaru, angke na tigor do Ho, sai por do rohangku mangoloi haputusanMu.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 65:3

Na borat ma da boban ni dosanami, hape diampuni Ho do i sudena.

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

PODA 13:5

Halak na jujur nada dihagioti pargabuson, tapi pangalaho ni na jahat hahaila do dohot sigoraon.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

NAHUM 1:7

Na denggan do Tuhan i, ditolong Ia do bangsoNia taran marhasusaan, dijagohon Ia do halak na marsihohot tuSia,

LUKAS 11:48

Hamu sandiri pe dioku hamu do na satuju hamu tu angka pambaenan ni angka ompungmunu i. Angke halahi ma antong na mamatehon angka panurirang i jana hamu ma na pajongjong angka tugu di ginjangna.

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

SURAT NI SI PAULUS TU PARLAGUTAN ROM 14:22

Anggo haporsayaanmi, urusanmu sandiri ma i tu Debata. Sanga ise na manimbang dirina nada marsala di na nietong ni rohana dirina tigor, martua do halak sisongon i.

SURAT NI SI PAULUS TU PARLAGUTAN ROM 7:16

Antong, muda hukarejohon do na maralo tu hagiotku, i ma tandana na huoku paboa na denggan do angka Tona i.

GALATIA 5:17

Harana maralo do bakomunu na jat i tu hagiot ni Tondi Parbadia jana maralo muse do hagiot ni Tondi Parbadia tu bakomunu humani na jat i. Marsialoan do na dua i, gabe inda tarpatulus hamu be sanga aha por ni rohamunu.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.

JUDAS 1:23

Palua hamu ma halak sian api. Maradopkon angka halak na asing sian i pe laing maribo ni roha ma hamu mardongan biar, tapi hagigihon hamu ma anggo pakean ni halahi na hodar dibaen angka hagiot ni halahi na mardosa i.