SURAT NI SI PAULUS TU PARLAGUTAN ROM 7:14 - BIBEL JAMITA NA DENGGAN

¹⁴ Angke madung taboto, partondion do Tona i, tapi anggo au pardagingon do, na targadis gabe hatoban ni dosa.

SURAT NI SI PAULUS TU PARLAGUTAN ROM 7:14 ပူးပေါင်းရင်းမြစ်များ

PAMUNGKAAN 37:27

Tagadis ma tu halak Ismael i. Jadi nada porlu parkancitanta ia; sanga na bia pe laing na angginta do da ia, dongan samudarta.” Gabe satuju ma angka kahangginia i di usul i,

PAMUNGKAAN 37:36

Jadi dung lalu di Mesir, manigor digadis halak Midian i ma si Josep tu si Potifar, i ma sada halak parpangkat na gabe kapala ni pangawal ni bagas godang.

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

1 RAJA-RAJA 21:25

Nada jungada adong halak na songon si Ahab situtu ni rohana mambaen na jahat di adopan ni Tuhan. Hara ni panyosoi ni si Isebel na nibuatnia i ma sudena hajahatan i dibaen ia.

2 RAJA-RAJA 17:17

Dipelehon halahi do angka dakdanak ni halahi gabe haul situtungon tu debata. Mamake angka ajimet do halahi jana dipangido halahi angka panogu-noguon sian angka datu na marhadomuan tu angka begu. Sun do ringgas ni halahi mambaen angka pangalaho na nihagigihon ni Tuhan, mambaen muruk situtu Tuhan,

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

MASMUR 119:25

Payak do au tarpodom di abu; paulak ma ngolungku hombar tu janjiMu.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

PODA 30:2

“Umoto do au sian halak na asing; nada adong di au pangastuion.

PODA 30:5

Digohi Debata do sude janjiNia. Songon parince do Ia di sude na ro marsiholip tuSia.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 52:3

Didok Tuhan ma tu bangsoNia, “Nada margarar hamu digadis, jadi saonnari pe nada margarar hamu dipalua.”

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

HAMALIMON 13:12

Muda mur manamba do tihas na bontar i, pola ditutup ia sian pat lalu tu ambubunia,

HAMALIMON 13:16

Tapi anggo dung malum sibuk na so pade i, gabe mulak bontar, angkon patidahononnia dope dirinia tu malim,

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

AMOS 2:6

Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 18:25

nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

LUKAS 7:6

Jadi kehe ma Jesus rap dohot halahi. Di na marayak lalu Jesus tu bagas i, disuru parpangkat i ma angka dongannia mandapotkon Jesus mandok tuSia, “Ulang pola jabat loja Tuan i! Hurang tama do au dapotkonon ni Tuan i di bagasku.

SURAT NI SI PAULUS TU PARLAGUTAN ROM 3:9

Jadi bia do na dumenggan dope hita hara ni halak Jahudi i hita, ulang pado halak na asing? Satutuna, nada! Madung tapajojor nangkin, sanga na halak Jahudi, sanga na halak na asing pe, sude do hita di toru ni kuaso ni dosa.

SURAT NI SI PAULUS TU PARLAGUTAN ROM 6:6

Dibaen madung taboto, madung diparsilangkon hajolmaonta na honok i, anso mago gogo ni dosa na disi jana ulang diparhatoban dosa i be hita.

SURAT NI SI PAULUS TU PARLAGUTAN ROM 7:18

Huboto do nian, na so adong sanga aha pe na denggan di bagasan diringku; i ma di bagasan bako na adong di au songon jolma na somal. Adong do nian hagiot ni roha di au, tapi nada mambaen na denggan.

GALATIA 4:3

Laing songon i ma hita: Salolot so impas godang dope hita, hita pe laing diparhatoban angka tondi na mangarajai portibi on do.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.