SURAT NI SI PAULUS TU PARLAGUTAN ROM 6:3 - BIBEL JAMITA NA DENGGAN

³ Sanga nada he diboto hamu hita sude na dung tardidi di bagasan Kristus Jesus, laing na dung tardidi di bagasan hamateanNia?

SURAT NI SI PAULUS TU PARLAGUTAN ROM 6:3 ပူးပေါင်းရင်းမြစ်များ

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

BAENON NI ANGKA RASUL 19:5

Dung dibege halahi na songon i, dipandidihon ma halahi mangulahi dibagasan goar ni Tuhan Jesus.

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 8:16

angke nada podo adong sian halahi na nigohan ni Tondi i umpe sahalak. Hum tardidi sajo dope halahi tu bagasan goar ni Tuhan Jesus.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

SURAT NI SI PAULUS TU PARLAGUTAN ROM 6:8

Jadi muda dung mate hita rap dohot Kristus, tahaporsayai muse ma na mangolu do hita rap dohot Ia.

SURAT NI SI PAULUS TU PARLAGUTAN ROM 7:1

Hamu ale angka dongan! Siboto Tona do hamu sude. Jadi nada he diboto hamu na markuaso do Tona i tu jolma hum sapanjang mangolu ia?

1 KORINTUS 10:2

Anso gabe dohot mangihutkon si Musa, angkon dipandidihon do halahi sude di bagasan ombun dohot di bagasan laut i.

1 KORINTUS 12:13

Angke markite-hite sada Tondi, nipandidihon do hita sude gabe sada pamatang, bope halak Jahudi bope halak Junani, bope naposo bope halak na malua. Songon i muse, nipainum do hita dohot Tondi na sada i.

1 KORINTUS 15:29

Anggo so pangoluon do mangulahi halak na mate i, biasi pola nipandidihon halak tu jolma na mate? Aha pola sipainteon sian angka na mate i? Muda na tutu ma na so pangoluon be jolma na mate i, aha ma he gunana nipandidihon halak salaho tu jolma na mate.

1 KORINTUS 3:16

Diboto hamu dehe, na Bagas Ni Debata do hamu? Songon i muse na maringanan do Tondi Ni Debata di hamu?

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

1 KORINTUS 6:19

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu.

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

1 KORINTUS 9:24

Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.

2 KORINTUS 13:5

Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.

GALATIA 3:27

Angke, sude hamu na dung nipandidihon di bagasan Jesus madung diparabit hamu Kristus i.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,