SURAT NI SI PAULUS TU PARLAGUTAN ROM 6:23 - BIBEL JAMITA NA DENGGAN

²³ Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

SURAT NI SI PAULUS TU PARLAGUTAN ROM 6:23 ပူးပေါင်းရင်းမြစ်များ

PAMUNGKAAN 2:17

asing sian hayu na mangalehen parbinotoan taringot tu na denggan dohot na jahat. Nada tola panganonmu batuna i; muda dipangan ho i, mate ma ho laing di na sadari i.”

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PODA 11:19

Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JEHESKIEL 18:20

Sanga ise na mambaen dosa, ia ma na giot mate. Nada angkon sai tanggungon ni anak panginona ni dosa ni amangna; sabalikna muse, ama pe nada angkon sai tanggungonna panginona ni angka dosa ni anakna. Sanga ise na burju jagitonna balos na denggan hara ni pambaenanna na denggan. Jana halak na jahat, jagitonna ma parkancitan patunda ni hajahatanna i.

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

JOHANNES 10:28

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 4:36

Manjagiti upana ma angka na manyabi i; jana dipalagut ma suhana i tu hangoluan na so mantak. Rap marsonang-sonang ma panyabur dohot panyabi.

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 6:68

Dialusi si Petrus ma, “O Tuhan, giot tu ise dope hami kehe? Hum hataMi sajo do na mangalehen hangoluan na so mantak.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.

SURAT NI SI PAULUS TU PARLAGUTAN ROM 5:17

Hara ni pangalaosion ni sada halak, gabe mangarajai ma hamatean i rarat sian halak na sada i. Hape dao dope gumodang akibat ni na nibaen ni Sada Halak na asing i, i ma Jesus Kristus, maradopkon bahat halak, na manjagit asi ni roha dohot silehen-lehen hatigoran i. Angkon mangolu jana mangarajai halahi markite-hite Kristus i.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

SURAT NI SI PAULUS TU PARLAGUTAN ROM 8:13

Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.

SURAT NI SI PAULUS TU PARLAGUTAN ROM 8:38

Harana marpos ni roha situtu do au, bahaso hamatean bope hangoluan, sanga surusuruan bope angka parkuaso; sanga na adong saonnari bope na giot ro, sanga angka hagogoan,

SURAT NI SI PAULUS TU PARLAGUTAN ROM 8:39

sanga angka pangalaho na di ginjang bope na di toru, sanga pe angka na asing na nitompa, nada tarbaen manyirang hita sian holong ni roha ni Debata, na di bagasan Kristus Jesus Tuhanta i.

SURAT NI SI PAULUS TU PARLAGUTAN ROM 8:6

Muda bako ni jolma do manggohi rohaniba, hamatean ma ujungna. Tapi muda Tondi Ni Debata do manggohi rohaniba, mandapot hangoluan ma iba jana hasonangan sian Tondi Ni Debata.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

1 JOHANNES 2:25

Jana on ma na nijanjihon ni Kristus sandiri tu hita, i ma ngolu na manongtong.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”