SURAT NI SI PAULUS TU PARLAGUTAN ROM 6:22 - BIBEL JAMITA NA DENGGAN

²² Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

SURAT NI SI PAULUS TU PARLAGUTAN ROM 6:22 ပူးပေါင်းရင်းမြစ်များ

PAMUNGKAAN 50:17

didok ia do tu hami anso hami dok tu ho songon on, ‘Ampuni ma hasalaan ni angka angkangmi di na nibaen ni halahi na jahat tu ho.’ Antong, saonnari pe sesa ma dosanami i, hami angka naposo ni Debata na nipasomba-somba ni amanta hamu i.” Tangis do si Josep di na nijagitnia tona ni amangna i.

JOB 1:8

Dung i disapai Tuhan muse ma, “Madung he dipamanat ho si Job naposongKi? Sude jolma na di portibi nada adong halak na songon i burjuna dohot denggan ni rohana. Marsomba tu Au do ia jana nada mambaen hajahatan ia.”

MASMUR 143:12

Bunu ma sude na mamparhanciti au, dibaen holong do rohaMu di au. Matehon ma sude na manyosak au, dibaen naposoMu do au.

MASMUR 86:2

Jagohon ma ngolungku, dibaen holong do rohaMu di au, palua ma naposoMon na manghaporsayai Ho.

MASMUR 92:14

angka hayu na sai tongtong rata jana togu, jana haru pe matobang laing marbatu.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

DANIEL 3:26

Dung i dipadonok si Nebukadnesar ma tu lambung ni pintu ni purunan i jana pio-pio ma ia: “Jo Sadrakh, Mesakh dohot Abednego, angka naposo ni Debata Na Gumincat! Ruar ma hamu sian purunan i!” Jadi haruar ma halahi.

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

BILANGAN 23:10

Pomparan ni Israel songon abuan, nada taretong, songon i bahatna. O Tuhan, sugari hupaujung ngolungku songon sada halak sian halakMu. Tunduk tu Debata di sude pangalaho; di bagasan hasonangan au mate.”

MATEUS 13:40

Songon simareme-eme na nipalagut i na nitutung di bagasan api, laing songon i muse ma di ari na parpudi.

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

MATEUS 19:29

Angke sanga ise na maninggalkon bagasna, sanga kahanggina, sanga ibotona, sanga pe inangna dohot amangna, sanga dakdanakna, sanga sabana hara ni Au, saratus lompit ma jagiton ni halahi mangulahi. Nilehen muse dope disia hangoluan na so mantak.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JOHANNES 4:36

Manjagiti upana ma angka na manyabi i; jana dipalagut ma suhana i tu hangoluan na so mantak. Rap marsonang-sonang ma panyabur dohot panyabi.

JOHANNES 8:32

Botoonmunu ma hasintongan i jana paluaon ni hasintongan i ma hamu.”

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

SURAT NI SI PAULUS TU PARLAGUTAN ROM 6:18

Madung dipalua hamu sian dosa jana gabe hatoban ni hatigoran.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

SURAT NI SI PAULUS TU PARLAGUTAN ROM 7:25

Tarimakasi ma di Debata, markite-hite Jesus Kristus Tuhanta i! Jadi na mangoloi Tona Ni Debata do au mangihutkon rohangku, tapi na mangoloi tona ni dosa do au mangihutkon bako ni hajolmaon.

SURAT NI SI PAULUS TU PARLAGUTAN ROM 7:4

Hara ni i do ale angka donganku, hamu pe madung mate maradopkon Tona markite-hite pamatang ni Kristus, anso gabe nampuna ni halak na asing hamu, i ma nampuna ni na dung dipangolu sian halak na mate, anso marparbatu hita di Debata.

SURAT NI SI PAULUS TU PARLAGUTAN ROM 8:2

Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.

1 KORINTUS 7:22

Harana muda adong sada hatoban na porsaya tu Tuhan, i ma na gabe halak na dipalua jana Tuhan nampunasa. Laing songon i do halak na malua na dipio ni Kristus, i do na gabe naposoNia.

2 KORINTUS 3:17

Harana Tuhan i do Tondi i. Jadi barang di dia pe Tondi Ni Tuhan i, disi do adong haluaan.

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

PILIPPI 4:17

Nada hum silehen-lehenmunu i na giot jagitonku, tapi anso huida do angka suha na patamba hauntunganmunu, i do na huhalungunkon.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

TITUS 1:1

Sian si Paulus, naposo ni Debata, bope rasul ni Jesus Kristus, na nipili do au jana na nisuru laho manyarihon angka na nipili ni Debata anso mur togu di haporsayaanna. Angkon togu-toguonku do halahi laho mananda hasintongan na niajarkon ni ugamonta,

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

1 PETRUS 1:9

Dibaen dapot hamu do parbatu ni haporsayaanmunu i, i ma haluaan ni tondimu.

1 PETRUS 2:16

Mardalan ma hamu di ngolu on songon halak na mardeka tapi ulang antong pake hamu ngolumunu na mardeka i laho manutup-nutupi hajahatan, tapi songon angka naposo ni Tuhan ma hamu na mangolu i.

HALUMBAAN 7:13

Ro ma sahalak sian pangituai i manyapai tu au, “Ise do angka halak na mamake baju juba na bontar on jana sian dia dehe halahi ro?”