SURAT NI SI PAULUS TU PARLAGUTAN ROM 6:2 - BIBEL JAMITA NA DENGGAN

² Tontu nada songon i! Madung mate hita taringot tu dosa i, jadi bia ma hita bisa dope mangolu di bagasanna?

SURAT NI SI PAULUS TU PARLAGUTAN ROM 6:2 ပူးပေါင်းရင်းမြစ်များ

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

MASMUR 119:104

Angka parentaMu do mangalehen di au parbinotoan, gabe huhagigihon sandok na margoar hajahatan.

LUKAS 20:16

“Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

SURAT NI SI PAULUS TU PARLAGUTAN ROM 7:4

Hara ni i do ale angka donganku, hamu pe madung mate maradopkon Tona markite-hite pamatang ni Kristus, anso gabe nampuna ni halak na asing hamu, i ma nampuna ni na dung dipangolu sian halak na mate, anso marparbatu hita di Debata.

SURAT NI SI PAULUS TU PARLAGUTAN ROM 7:6

Tapi anggo saonnari madung dipalua hita sian Tona i na maniopi hita, angke madung mate hita disia, gabe mangoloi do hita di bagasan haimbaruan mangihutkon Tondi, jana nada di bagasan habuburuk ni surat i.

GALATIA 2:19

Tapi anggo taringot tu Tona, na mate do au – dimatehon Tona i sandiri – anso tarbaen mangolu au di Debata. Madung diparsilangkon au rap dohot Kristus.

GALATIA 6:14

Tapi anggo au sanga na bia pe nada ra au mamuji-muji sanga aha, asing sian silang ni Tuhanta Jesus Kristus i. Angke hara ni silangNa i madung mate au maradopkon portibi on, jana portibi on pe, madung mate di au.

KOLOSSE 2:20

Madung mate hamu rap dohot Kristus jana madung dipalua hamu sian angka tondi na mangarajai portibi on. Biasi dope laing songon halak na nirajaan ni portibi on ngolumunu? Biasi paolo-oloanmunu dope angka paraturan na songon on,

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.

1 PETRUS 1:14

Songon dakdanak na mangoloi poda ma hamu, jana ulang be mangoloi hagiotmunu najolo i ngolumunu, i ma dompak so ditanda hamu Debata.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 JOHANNES 3:9

Ganop halak na sorang sian Debata, nada mangkarejohon dosa be, harana madung adong do disia bako ni Debata jana nada be mangkarejohon dosa, harana na sorang sian Debata do ia.