SURAT NI SI PAULUS TU PARLAGUTAN ROM 6:12 - BIBEL JAMITA NA DENGGAN

¹² Antong ulang be paloas hamu dosa i mangarajai pamatangmunu na ra mate i, anso ulang dioloi hamu be hagiotna na jahat i.

SURAT NI SI PAULUS TU PARLAGUTAN ROM 6:12 ပူးပေါင်းရင်းမြစ်များ

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

MASMUR 119:133

Patogu ma langkangku hombar tu baga-bagaMu, ulang padiar dirajai hajahatan au.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

HAMALIMON 13:40

Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i.

BILANGAN 33:55

Muda so ra na mangingani luat i dipaorot hamu gabe i ma na manyusai hamu songon horsik di mata sanga songon duri di pat muse gabe porangan ni halahi ma hamu.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

SURAT NI SI PAULUS TU PARLAGUTAN ROM 8:13

Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.

2 KORINTUS 4:11

Salolot mangolu hami, sai tongtong do mangondam hamatean i tu hami hara ni Jesus, anso tarpataridahon muse ngolu ni Jesus di pamatangnami na ra mate on.

2 KORINTUS 5:4

Salolot di bandar on hita maringanan, sai holsoan do hita hara ni dokdok ni pananggunganta. Nada hara ni na por rohanta malua sian pamatangta na sian tano on, tapi hara ni na lungun do rohanta laho manyolukkon pamatang na sian banua ginjang i tu na parjolo i anso dibondut hangoluan i pamatangta na ra mate on.

GALATIA 5:16

Na hudok songon on: Mangolu ma hamu marguru tu na niajarkon ni Tondi i, anso ulang dipaolo-oloi hamu be bakomunu humani na jat i.

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

1 TESSALONIKA 4:5

Ulang ma hara ni na mangoloi hagiot ni sibukna songon na nibaen ni angka halak na so mananda Debata.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

TITUS 2:12

Na mangajari hita do hadengganan ni roha ni Debata i anso ulang be maralo ngolunta tu hagiot ni Debata jana nada be mangihutkon hagiot ni portibi on; diajari do hita anso malo hita mangarajai dirinta, tigor jana manghaholongi Debata.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

1 PETRUS 1:14

Songon dakdanak na mangoloi poda ma hamu, jana ulang be mangoloi hagiotmunu najolo i ngolumunu, i ma dompak so ditanda hamu Debata.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.

HAKIM-HAKIM 2:3

Jadi saonnari, tangihon hamu ma! Nada paorotonku angka halak luat on muda marporang hamu dohot halahi. Gabe musumunu ma halahi, jana tarjorat ma hamu, lopus dohot hamu marsomba tu angka debata ni halahi.”