SURAT NI SI PAULUS TU PARLAGUTAN ROM 6:10 - BIBEL JAMITA NA DENGGAN

¹⁰ Angke hamateanNia, i ma hamatean maradopkon dosa, hum sanoli do tu salolot ni lolotna; jana hangoluanNia i, i ma hangoluan tu Debata.

SURAT NI SI PAULUS TU PARLAGUTAN ROM 6:10 ပူးပေါင်းရင်းမြစ်များ

LUKAS 20:38

Nada Debata ni halak na mate Tuhan i tapi Debata ni halak na mangolu do i! Harana anggo di Debata, na mangolu do sude jolma.”

SURAT NI SI PAULUS TU PARLAGUTAN ROM 6:11

Hamu pe angkon etongonmunu do dirimunu na dung mate maradopkon dosa, jana mangolu hamu di Debata markite-hite Kristus Jesus.

SURAT NI SI PAULUS TU PARLAGUTAN ROM 6:9

Angke taboto do, madung dipangolu anggo Kristus sian hamatean jana nada mate be Ia mangulahi; nada markuaso be hamatean i tuSia.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

2 KORINTUS 5:15

Mangkopkop sasudena jolma do mate Kristus, anso ulang tu dirina be mangolu angka jolma i, tapi tu Kristus noma, na dung mate jana na nipangolu i mangulahi hara ni haporluan ni halahi.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 PETRUS 4:6

Hara ni i muse ma umbaen na nijamitahon muse Jamita Na Denggan i tu angka jolma na dung mate. Anso niuhum halahi haru pe na dung mamolus hamatean halahi – laing songon jolma na asing i sasudena – harana anggo di pangalaho partondion laing na mangolu do halahi sian hangoluan ni Debata sandiri.