SURAT NI SI PAULUS TU PARLAGUTAN ROM 5:6 - BIBEL JAMITA NA DENGGAN

⁶ Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

SURAT NI SI PAULUS TU PARLAGUTAN ROM 5:6 ပူးပေါင်းရင်းမြစ်များ

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

ANDUNG 1:6

Hum turi-turian na salpu noma da hagodangan ni kota Sion. Tangkuraparon noma angka pamimpin boti abis gogona songon ursa na marlojongi sian na marburusa.

DANIEL 11:15

Dung i hobuhon ni raja ni Siria ma sada kota na marbenteng jana buatonna. Nada bisa tentara ni Mesir i martahan; angka tentara pilian pe nada adong be gogona.

SURAT NI SI PAULUS TU PARLAGUTAN ROM 11:26

Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

SURAT NI SI PAULUS TU PARLAGUTAN ROM 4:25

i ma Jesus na dung dipasahat hara ni angka pangalaosionta, jana na nipangolu salaho tu hatigoranta.

SURAT NI SI PAULUS TU PARLAGUTAN ROM 4:5

Tapi muda adong halak na so markarejo, hape porsaya tuSia na patigorkon halak pardosa, diparetongkon ma haporsayaannia i gabe hatigoran.

SURAT NI SI PAULUS TU PARLAGUTAN ROM 5:10

Harana muda hatiha musu dope hita, dipadame hita dohot Debata markite hamamate ni AnakNia, tarlumobi hita na saonnari na dung dipadame, pasti do angkon dipalua markite ngoluNia.

SURAT NI SI PAULUS TU PARLAGUTAN ROM 5:7

Humopkop halak na tigor pe, maol do jolma ra mate. Anggo humopkop halak na burju betak adong dope jolma na puluk mate.

SURAT NI SI PAULUS TU PARLAGUTAN ROM 5:8

Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,

1 TESSALONIKA 5:9

Dipili Debata pe hita nada anso hona rimas ni rohaNia, tapi anso dapot hita do haluaan markite-hite Tuhanta Jesus Kristus.

1 TIMOTEUS 1:9

Angkon laing ingoton do, dibaen pe angka Tona ni ugamo i, nada na giot di halak na burju, tapi na giot tu halak pangalanggar Tona do i, tu angka na jahat, tu halak na so mananda Tuhan, tu halak pardosa, tu halak na so marugamo, tu parroha portibi, tu halak sibunu simatobangna, tu angka sibunu jolma,

TITUS 2:12

Na mangajari hita do hadengganan ni roha ni Debata i anso ulang be maralo ngolunta tu hagiot ni Debata jana nada be mangihutkon hagiot ni portibi on; diajari do hita anso malo hita mangarajai dirinta, tigor jana manghaholongi Debata.

IBRANI 8:3

Sude Malim Godang, niangkat do i laho manghaulkon na nisombahon sanga haul, tu Debata, laing songon i muse do Malim Godangta i; angkon adong do diSia sanga na aha sihaulkononNia.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 PETRUS 1:20

Na dung nipili ni Debata do Kristus i dompak so ditompa dope tano on. Jana di angka ari marayak ujung ni jaman on, ro do Ia tu portibi on laho paluahon hamu.

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.