Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.
Taon ma salamu, ale ho, na panayangkon uhuman tu angkangmu; hara ni angka dosamu na umjorbut sian halahi, tumigor do halahi sian hamu. Padiar ma maila ho jana taon ma salamu angke hara ni ho gabe songon na so marsala idaon angka angkangmu.”
Dibaen si Musa ma ulok sian tumbaga jana dibaen ia tu ujung ni sada tiang. Ganop halak na nipagut ni ulok i, gabe malum muda diligi ia tu ulok tumbaga i.
Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”
Hudok ma di ho: Holong ni rohania na songon i godang na nipatuduhonnia, i ma tandana bahaso na dung disesa dosania na bahat i! Muda nisesa dosa ni sada halak jana otik sajo do dosania, laing otik muse do holong ni roha tarpatuduhon ia.”
Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”
Sugari sura na so jungada Au ro jana nada unjung Huhatahon sudena i tu halahi, nada tarsalahon halahi. Tapi anggo saonnari nada adong be sidalian ni halahi taringot tu dosa ni halahi.