SURAT NI SI PAULUS TU PARLAGUTAN ROM 5:14 - BIBEL JAMITA NA DENGGAN

¹⁴ Tapi haru songon i pe madung dirajai hamatean i sudena jolma manusia mamungka sian si Adam lopus tu hatiha ni si Musa, laing dohot do angka halak na so mangalaosi sanga aha pe songon na nibaen ni si Adam i. Gambaran ni jolma na giot ro i do si Adam.

SURAT NI SI PAULUS TU PARLAGUTAN ROM 5:14 ပူးပေါင်းရင်းမြစ်များ

PAMUNGKAAN 19:25

jana disegohon ma angka kota i dohot sude rura, dohot sude halak na disi dohot sandok na tubu di tano i.

PAMUNGKAAN 4:8

Jadi didok si Kain ma tu si Abel anggina i, “Beta jolo hita tu ladang.” Jadi di hatiha di ladang halahi dibalbal si Kain ma angginia i lalu dibunu ia.

PAMUNGKAAN 7:22

Sandok na humosa di tano, mate.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 1:6

Dung i mate ma si Josep, bope kahanggina dohot halak na satorbang dohot ia.

HOSEA 6:7

Tapi songon si Adam, digagai hamu do janjimunu dohot Au.

JUNUS 4:11

Patut ma da marsak Au pasari-sari Ninive, kota na godang i. Angke asing sian angka pahan-pahananna na so taretong i, adong do disi lobi 120.000 dakdanak na so marsala.”

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.

SURAT NI SI PAULUS TU PARLAGUTAN ROM 5:17

Hara ni pangalaosion ni sada halak, gabe mangarajai ma hamatean i rarat sian halak na sada i. Hape dao dope gumodang akibat ni na nibaen ni Sada Halak na asing i, i ma Jesus Kristus, maradopkon bahat halak, na manjagit asi ni roha dohot silehen-lehen hatigoran i. Angkon mangolu jana mangarajai halahi markite-hite Kristus i.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

SURAT NI SI PAULUS TU PARLAGUTAN ROM 8:20

Harana madung dipatunduk sude na nitompa i tu na so hasaya, nada nian hara ni por ni rohana, tapi hara ni hagiot ni Debata na patundukkon i do. Tapi laing adong dope arop ni roha on:

SURAT NI SI PAULUS TU PARLAGUTAN ROM 8:22

Taboto do, lopus tu hatiha on, rap manaon do na nitompa i hara ni pardangolanna, songon ina na manaon na hancit di na giot sorang dakdanakna.

1 KORINTUS 15:22

Songon parmate ni sasudena jolma manusia hara ni na sapangalaho dohot si Adam, laing songon i ma pangoluon sudena, hara ni na dung sapangalaho dohot Kristus.

1 KORINTUS 15:45

Tarsurat do i songon on, “Si Adam, jolma na parjolo i gabe halak na mangolu,” tapi si Adam na parpudi i do gabe Tondi na mangalehen ngolu.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.