SURAT NI SI PAULUS TU PARLAGUTAN ROM 4:6 - BIBEL JAMITA NA DENGGAN

⁶ Songon na nidok ni si Daud taringot tu hatuaan ni halak, na dapotan hatigoran sian Debata nada hara ni pambaenanna,

SURAT NI SI PAULUS TU PARLAGUTAN ROM 4:6 ပူးပေါင်းရင်းမြစ်များ

MASMUR 112:1

Martua ma na burju na marjop ni roha patuluskon parenta ni Tuhan.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JEREMIA 22:6

Anggo di Au santak do jeges ni bagas godang ni raja Juda on, songon jeges ni tano Gilead dohot angka Dolok Libanon, tapi baenonKu ma inganan i gabe songon padang halongonan na so niinganan ni halak.

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

MATEUS 25:19

“Dung honok, mulak ma tuan ni halahi i jana dipungka ia ma mambaen paretongan tu halahi.

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 3:27

Antong anggo songon i, aha ma he dalanna giot margincat ni roha? Nada adong. Hara ni aha do? Hara ni pambaenan do? Nada! Tapi hara ni haporsayaan do!

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

SURAT NI SI PAULUS TU PARLAGUTAN ROM 4:24

tapi dohot do tu hita. Hita pe dohot do etongonNia, harana porsaya do hita tuSia na dung pangoluhon Jesus Tuhanta i sian halak na mate,

SURAT NI SI PAULUS TU PARLAGUTAN ROM 4:5

Tapi muda adong halak na so markarejo, hape porsaya tuSia na patigorkon halak pardosa, diparetongkon ma haporsayaannia i gabe hatigoran.

SURAT NI SI PAULUS TU PARLAGUTAN ROM 4:7

“Martua ma angka na dung nisesa pangalaosionna, jana na nitutupan angka dosana!

SURAT NI SI PAULUS TU PARLAGUTAN ROM 4:9

Adong dehe hata martua i hum tu halak na marsunat sanga dohot do tu halak na so marsunat? Harana madung hami dokkon, na dietong do tu si Abraham haporsayaan gabe hatigoran.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

GALATIA 4:15

I noma jop ni rohamunu hatiha i. Hape saonnari, ma di dia hamogaanmunu i? Huoku do anggo di hatiha i salang mangholuk matamunu sandiri rade do hamu anso lehenonmunu di au sugari tarbaen songon i.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

JAKOBUS 2:18

Tapi sugari adong na mandok, “Haporsayaan do di ho, pambaenan i di au. Antong patidahon ma di au haporsayaanmu na so mardongan pambaenan, jana hupatidahon di ho sian pambaenan do haporsayaanki.”

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.