SURAT NI SI PAULUS TU PARLAGUTAN ROM 4:5 - BIBEL JAMITA NA DENGGAN

⁵ Tapi muda adong halak na so markarejo, hape porsaya tuSia na patigorkon halak pardosa, diparetongkon ma haporsayaannia i gabe hatigoran.

SURAT NI SI PAULUS TU PARLAGUTAN ROM 4:5 ပူးပေါင်းရင်းမြစ်များ

HABAKUK 2:4

Jana ingot ma: halak na gakgak nada tigor rohana, tapi anggo halak na tigor sian haporsayaanna, i do na giot mangolu.”

MARKUS 9:23

“Dialusi Jesus ma: Didok ho: Anggo tartolong Ho?” “Nada adong na so tarbaen di halak na porsaya!”

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 4:24

tapi dohot do tu hita. Hita pe dohot do etongonNia, harana porsaya do hita tuSia na dung pangoluhon Jesus Tuhanta i sian halak na mate,

SURAT NI SI PAULUS TU PARLAGUTAN ROM 4:3

Tarsurat do di Buku Na Badia i, “Porsaya do si Abraham tu Debata, jana dietong ma i disia gabe hatigoran.”

SURAT NI SI PAULUS TU PARLAGUTAN ROM 4:6

Songon na nidok ni si Daud taringot tu hatuaan ni halak, na dapotan hatigoran sian Debata nada hara ni pambaenanna,

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

JOSUA 24:2

Dung i mandok hata ma si Josua tu sude bangso i, “Tangihon hamu ma sanga aha na giot sidohonon ni Tuhan, Debata ni Israel tu hamu. Pandok ni Debata, ‘Narobi maringanan di bariba ni Batang aek Efrat do ompu na umpompar hamu. Marsomba tu angka debata na asing do halahi. Sahalak sian halahi, i ma si Terah amang ni si Abraham dohot si Nahor.