SURAT NI SI PAULUS TU PARLAGUTAN ROM 4:20 - BIBEL JAMITA NA DENGGAN

²⁰ Laing tongtong do ia porsaya jana nada ganggu rohania di janji ni Debata i. Mur dipargogoi haporsayaannia i muse dope ia laho pasangapkon Debata.

SURAT NI SI PAULUS TU PARLAGUTAN ROM 4:20 ပူးပေါင်းရင်းမြစ်များ

PAMUNGKAAN 15:6

Porsaya do si Abram tu Tuhan, jana dietong ma i disia gabe hatigoran.

2 RAJA-RAJA 7:19

Jana topet di hatiha i pangawal ni raja i sandiri mandok, “Bia ma pambaen ni i! Inda tutu i, haru pe saonnari on diparo Tuhan udan potir sian langit!” Jadi dialusi si Elisa do, “Idaonmu do naron tarjadi, tapi anggo ho nada dohot mandai panganon i saotik pe.”

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

DANIEL 10:19

Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

DANIEL 11:32

Jadi marhite sipaoto-oto, jajang-jajangon ni raja i ma angka jolma na dung marbalik sian ugamo ni halahi, anso ra mangurupi ia. Tapi aloon ni angka halak na burju marugamo tu Debata do halahi.

HAGAI 2:4

Tapi saonnari, patogu ma rohamu, ale Zerubabel, ninna Tuhan; patogu ma rohamu ale Malim Godang Josua, anak ni si Josadak; patogu ma rohamu ale sude bangso, ninna Tuhan; markarejo ma, harana dongananKu do hamu, ninna Tuhan Na Markuaso.

ZAKARIA 8:13

Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

ZAKARIA 8:9

Songon on ma hata ni Tuhan Na Markuaso, “Patogu ma rohamu, o angka jolma na dung mambege hata na nidokkon ni angka panurirang, mulai dipayakkon batu ojahan ni bagas ni Tuhan Na Markuaso, giot pajongjongkon Bagas Na Badia i.

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

LUKAS 1:18

“Bia do parbinotongku taringot tusi bahaso na tutu do i tarjadi?” ning si Zakaria manyapai surusuruan i. “Ma matobang au, songon i muse dadaborungku na dung matobang muse do.”

LUKAS 1:45

Martua ma ho, hara ni na porsaya ho angkon tulus do na nidok ni Tuhan i tu ho!”

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

2 TIMOTEUS 2:1

Amang Timoteus! Sai margogo ma ho hara ni asi ni roha na nilehen di hita hara ni pardomuanta i dohot Kristus.

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.