SURAT NI SI PAULUS TU PARLAGUTAN ROM 4:18 - BIBEL JAMITA NA DENGGAN

¹⁸ Porsaya do si Abraham jana mararop ni roha, haru pe so adong ojahan laho mararop ni roha, anso gabe “Ompu ni bahat bangso” ia, songon na nidok, “Songon i ma bahat ni pomparanmu sogot.”

SURAT NI SI PAULUS TU PARLAGUTAN ROM 4:18 ပူးပေါင်းရင်းမြစ်များ

PODA 13:12

Pahancitkon roha do arop ni roha na sundat, tapi jop do roha muda tulus arop ni roha.

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

LUKAS 1:18

“Bia do parbinotongku taringot tusi bahaso na tutu do i tarjadi?” ning si Zakaria manyapai surusuruan i. “Ma matobang au, songon i muse dadaborungku na dung matobang muse do.”

BAENON NI ANGKA RASUL 27:25

Jadi hara ni i hamu ale angka dongan, angkon godang ma rohanta! Angke pos do rohangku di Debata, angkon tulus do sudena na nidokNia i tu au.

SURAT NI SI PAULUS TU PARLAGUTAN ROM 4:17

songon na tarsurat i, “Madung Hupabangkit ho gabe ompu ni bahat bangso.” Songon i ma porsaya si Abraham tu Debata, i ma Debata na pangoluhon halak na mate; jana na mambaen na so adong hian gabe adong hum markite-hite hataNia sajo.

SURAT NI SI PAULUS TU PARLAGUTAN ROM 4:19

Nada gabe gale haporsayaannia, haru pe diboto ia bahaso madung mansai gale pamatangnia, angke madung saratus taon ne ma umurna; jana bortian ni si Sara pe madung tartutup.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

SURAT NI SI PAULUS TU PARLAGUTAN ROM 8:24

Angke madung dipalua hita, haru pe laing di bagasan arop ni roha. Tapi muda dung taida na niarop ni rohanta i, nada arop ni roha be na songon i. Harana, ise ma he na sai mararop ni roha tu na dung niidana?

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.