SURAT NI SI PAULUS TU PARLAGUTAN ROM 4:15 - BIBEL JAMITA NA DENGGAN

¹⁵ Dibaen anggo Tona i manubuhon rimas ni roha; angke barang di dia nada adong Tona, nada adong disi pangalaosion.

SURAT NI SI PAULUS TU PARLAGUTAN ROM 4:15 ပူးပေါင်းရင်းမြစ်များ

2 RAJA-RAJA 22:13

“Kehe ma hamu marsapa tu Tuhan salaho tu au dohot rayat sudena i taringot tu isi ni buku on. Na muruk do Tuhan tu hita hara ni na so didalankon ni angka ompunta angka parenta na tarsurat di buku on.”

JEREMIA 4:8

Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

ANDUNG 2:22

Dihara Ho angka musungku mambaen pesta na gok hakejamon humaliang au. Di ari ni hamumurukMu, sahalak pe nada tarbaen malua sian uhumanMu. Angka na huhaholongi dohot na hupasari-sari ma pola dibunu angka musu i.

JEHESKIEL 7:19

Ambungkonon ni halahi noma sere dohot perak songon rompak-rompak di topi dalan angke anggo di ari disi dipalalu Tuhan gilap ni murukNa nada tarpalua sere dohot perak i be halahi, mur mangonjarkon halahi noma i tu bagasan dosa. Nada tarpargunahon halahi be i laho papuaskon hagiot sanga laho manggohi butuha ni halahi.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

BILANGAN 32:14

Saonnari, giot songon amamunu i ma hamu. Hamu ma sundut na mardosa. Hara ni pambaenanmunu i gabe marsijongjong muruk ni Tuhan i tu halak Israel.

JOHANNES 15:22

Sugari sura na so jungada Au ro jana nada unjung Huhatahon sudena i tu halahi, nada tarsalahon halahi. Tapi anggo saonnari nada adong be sidalian ni halahi taringot tu dosa ni halahi.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 5:13

Dibaen dompak so adong dope Tona madung adong hian dosa i di portibi on. Tapi nada nietong dosa i, muda so adong Tona i.

1 KORINTUS 15:56

Anggo corot ni hamatean i, i ma dosa jana kuaso ni dosa i, i ma Tona i.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

KOLOSSE 3:6

Angka pangalaho na songon i ma na pasunggul-sunggul rimas ni Debata maradopkon angka halak na so mangoloi Ia.

1 JOHANNES 3:4

Sanga ise na mambaen dosa, na mangalaosi Tona Ni Debata do i; angke na nidok dosa, i ma karejo na mangalaosi Tona Ni Debata.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.