SURAT NI SI PAULUS TU PARLAGUTAN ROM 4:12 - BIBEL JAMITA NA DENGGAN

¹² Dohot do ia gabe ompu ni angka na marsunat, i ma na so hum marsunat sajo, tapi na mardalan muse mangihutkon indege ni haporsayaan ni si Abraham, ompunta i, taran so marsunat dope ia.

SURAT NI SI PAULUS TU PARLAGUTAN ROM 4:12 ပူးပေါင်းရင်းမြစ်များ

JOB 33:11

Dibaen Ia do rante di patku; jana sai dipamanat sude langka-langkangku.’

MASMUR 47:9

Marlagut ma pamimpin ni angka bangso, songon bangso ni Debata na nisomba ni si Abraham. Angke raja na godang do Debata, gumincat do kuasoNia sian sude parangan.

PODA 2:20

Hara ni i, ale anakku, tiruan ni halak na denggan ma ihutkon, jana jagohon ma dalan-dalan ni halak na tigor.

ENDE NA GODANG 1:8

Dia ma he na so diboto anggingku inganan i, sibujing na jogingku na lambok panaili? Ihutkon sajo ma indege ni biri-biri i. Parmahani ma angka hambengmi di lambung ni angka bandar ni parmahan na disi.

JEHESKIEL 33:24

“Ale jolma parsantongkinan, didok angka jolma na maringanan di angka lobu ni parhutaan na di tano Israel i do, ‘Dapot si Abraham do sude tano on, hape sasada ia sajo do nian. Hita on songon i ma bahatta, jadi gabe hita noma nampuna on.’ ”

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

2 KORINTUS 12:18

Madung husuru si Titus manopot hamu, jana husuru muse do dongan Kristen na deba nari kehe rap dohot ia. Adong dehe untung dibuat si Titus sian hamu lakna? Hape rap markarejo do au dohot ia, sarupa do rohanami, pambaenannami pe sarupa do!

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.