SURAT NI SI PAULUS TU PARLAGUTAN ROM 4:11 - BIBEL JAMITA NA DENGGAN

¹¹ Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

SURAT NI SI PAULUS TU PARLAGUTAN ROM 4:11 ပူးပေါင်းရင်းမြစ်များ

PAMUNGKAAN 17:24

Marumur sambilan pulu sambilan taon ma si Abraham di na marsunat i

MASMUR 47:9

Marlagut ma pamimpin ni angka bangso, songon bangso ni Debata na nisomba ni si Abraham. Angke raja na godang do Debata, gumincat do kuasoNia sian sude parangan.

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

HARURUAR 31:13

paboahon tu bangso Israel, “Pagodang hamu ma Ari Sabat i, ari na dung Hutotopkon songon Ari Paradianan. Ari i ma na gabe tanda ni parjanjianKu dohot hamu ro di pinomparmunu, anso diboto hamu, Au do Tuhan na mambaen hamu gabe bangsongKu sandiri.

HARURUAR 31:17

I ma sada tanda parjanjian antara Au dohot bangso Israel ro di salolot-lolotna; angke di bagasan onom ari do ditompa Tuhan langit dohot tano, jana maradian do Ia di ari papituhon i.”

JEHESKIEL 20:12

Husuru do halahi pasangapkon Ari Sabat songon tanda ni parjanjianKu dohot halahi, laho paingotkon halahi paboa na dung Huhapunjungkon halahi di Au, Au Tuhan mangkapunjungkonsa.

JEHESKIEL 20:20

Parbadia i ma Ari Sabat i na gabe tanda ni parjanjianKu dohot hamu, laho pasunggulkon tu rohamu paboa Au do Tuhan Debatamunu.’

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MATEUS 8:11

Tapi ingot hamu ma na Hudok on! Bahat do halak na giot ro sian Habincaran dohot sian Hasundutan anso rap marpesta marjop ni roha dohot si Abraham, si Ishak dohot si Jakob di bagasan Harajaan Ni Banua Ginjang.

LUKAS 19:9

Didok Jesus ma tusia, “Mamungka sadari on dapotan haluaon do pangisi ni bagas on, harana pinompar ni si Abraham do ia.

JOHANNES 3:33

Sanga ise na porsaya di hasaksianNia i, i do na mangoku bahaso na tigor Debata.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

JOHANNES 6:35

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 6:47

“Tutu do na Hudok on tu hamu: Halak na porsaya tu Au, i do na marhangoluan na so mantak.

JOHANNES 8:33

Ninna halahi ma, “Pomparan ni si Abraham do hami. Nada jungada dope hami gabe hatoban ni sanga ise pe! Aha do maksudmu umbaen didok Ho, ‘Paluaon ma hamu?’ ”

SURAT NI SI PAULUS TU PARLAGUTAN ROM 10:11

Di Buku Na Badia i tarsurat do, “Sanga ise na porsaya tuSia nada pailaon.”

SURAT NI SI PAULUS TU PARLAGUTAN ROM 10:4

Dibaen Kristus do hasidungan ni Tona i, jadi dapotan hatigoran ma sude halak na porsaya.

SURAT NI SI PAULUS TU PARLAGUTAN ROM 10:6

Tapi songon on do didokkon hatigoran hara ni haporsayaan, “Indangkon pola dok di bagasan rohamu, ‘Ise ma he na giot manaek tu banua ginjang?’ (astuanna, paijurkon Jesus),

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 3:26

Jadi dipatidahon Ia do hatigoranNia di hatiha on, anso tarida na tigor do Ia, jana patigorkon halak na porsaya tu Jesus.

SURAT NI SI PAULUS TU PARLAGUTAN ROM 3:30

Angke na sasada i do Debata, na patigorkon angka na marsunat markite-hite haporsayaan, laing songon i angka na so marsunat markite-hite haporsayaan.

SURAT NI SI PAULUS TU PARLAGUTAN ROM 4:10

Tapi songon dia do nietong i? Dung marsunat do ia, sanga taran so marsunat dope? Nada dung marsunat, tapi taran so marsunat dope.

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.

SURAT NI SI PAULUS TU PARLAGUTAN ROM 9:33

Songon na tarsurat i, “Ligi da, Hupayakkon do di Sion sada batu partuktuhan dohot sada batu pardandian, jana barang ise na porsaya diSia, nada dipaila be.”

SURAT NI SI PAULUS TU PARLAGUTAN ROM 9:6

Tapi anggo hata ni Debata nada sundat. Angke nada sasude na topak sian Israel, tutu halak Israel.

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.

GALATIA 3:7

Jadi angkon tangkas do botoonmunu, sanga ise na mangolu di bagasan haporsayaan, i do angka pomparan ni si Abraham.

GALATIA 5:5

Hara ni Tondi dohot haporsayaanta, arop do rohanta di hatigoran i.

GALATIA 6:16

Di angka na mangolu songon pandiriankon, dohot di sude halak ni Debata, arop do rohangku lehenon ni Debata hasonangan dohot ibo ni rohaNia.

EPESUS 1:13

Laing songon i muse do hamu – hara ni na dung nibegemunu hata hasintongan i, i ma Jamita Na Denggan haluaanmunu i – di bagasan Ia, dung porsaya hamu, madung dimeteraihon hamu markite-hite Tondi Parbadia na nijanjihonNia i.

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

HALUMBAAN 9:4

Diantahi do halahi manyegohon duhut-duhut sanga hayu sanga suan-suanan na asing pe. Hum angka jolma na so martanda cap na sian Debata di bohina i sajo do na tola serangon ni halahi.