SURAT NI SI PAULUS TU PARLAGUTAN ROM 3:8 - BIBEL JAMITA NA DENGGAN

⁸ Jana biasi inda tola hita mandok, “Tole ma tabaen na jat, anso ro na denggan sian i?” Tutu nian, adong do halak na pabilehon hami, paboa na dung hudok songon i. Anggo halak na songon i satutuna patut do uhumon ni Debata.

SURAT NI SI PAULUS TU PARLAGUTAN ROM 3:8 ပူးပေါင်းရင်းမြစ်များ

JEREMIA 40:16

Tapi dialusi si Gedalya ma, “Ulang! Nada tutu na nidokmi taringot tu si Ismael!”

MATEUS 5:11

Martua ma hamu muda diincahi jana diayak-ayak halak hamu, jana dipardok halahi ragam-ragam na jat na so tutu adop hamu hara ni Au.

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

SURAT NI SI PAULUS TU PARLAGUTAN ROM 6:1

Antong anggo songon i, aha ma na tardok hita? Angkon tadatdati ma he mambaen dosa anso mur martamba asi ni roha i?

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

SURAT NI SI PAULUS TU PARLAGUTAN ROM 7:7

Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

2 KORINTUS 11:15

Jadi nada pola homang be roha muda dipasuman-suman angka pangoloi ni Sibolis i songon angka pangoloi na mambaen hatigoran. Anggo ujungna jagiton ni halahi do na hombar tu sude pangalaho ni halahi.

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.