SURAT NI SI PAULUS TU PARLAGUTAN ROM 3:4 - BIBEL JAMITA NA DENGGAN

⁴ Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

SURAT NI SI PAULUS TU PARLAGUTAN ROM 3:4 ပူးပေါင်းရင်းမြစ်များ

JOB 36:3

Bidang do na huboto, i do na giot pakeonku laho patandahon na tigor na Manompa au.

JOB 40:8

Na giot aloonmu ma he hatigoranKu, jana patigoronmu ma dirimu di na pasalahon Au?

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

MASMUR 119:160

Tutu do sude hataMi, hot do salolot-lolotna parentaMu na tigor i.

MASMUR 138:2

Di na hupuji goarMu, laing marsomba muse au adop BagasMu na badia, angke setia do Ho jana sai marholong roha, madung dipatorang Ho, goar dohot angka parentaMu disalpui i do sasudena.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

LUKAS 20:16

“Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

JOHANNES 3:33

Sanga ise na porsaya di hasaksianNia i, i do na mangoku bahaso na tigor Debata.

SURAT NI SI PAULUS TU PARLAGUTAN ROM 11:1

Marsapa ma au: Adong he na dung diambungkon Debata bangsoNia i sandiri? Tontu inda! Au sandiri pe halak Israel do, pomparan ni si Abraham jana sian Marga Benyamin.

SURAT NI SI PAULUS TU PARLAGUTAN ROM 11:11

Jadi marsapa ma au: Na tartuktuk dehe halahi jana angkon tinggang? Nada! Tapi markite-hite pangalaosion ni halahi, dapotan haluaan ma angka bangso na asing, anso gabe mangiburu halak Israel.

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 6:15

Antong, bia noma ujungna? Tola dope hita mardosa, hara ni na so ditoru ni Tona be hita, tapi madung ditoru ni asi ni roha? Nada songon i!

SURAT NI SI PAULUS TU PARLAGUTAN ROM 6:2

Tontu nada songon i! Madung mate hita taringot tu dosa i, jadi bia ma hita bisa dope mangolu di bagasanna?

SURAT NI SI PAULUS TU PARLAGUTAN ROM 7:13

Muda songon i, gabe hamatean do lakna na denggan i di au? Nada! Tapi anso torang, bahaso ia do dosa, jana dosa mampargunahon na denggan parohon hamatean tu au, anso markite parenta i, dosa i mur torang muse songon dosa.

SURAT NI SI PAULUS TU PARLAGUTAN ROM 7:7

Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

SURAT NI SI PAULUS TU PARLAGUTAN ROM 9:14

Antong bia ma ujungna dokkononta? Na so tigor do Debata? Anggo i, pasti do tigor Debata!

1 KORINTUS 6:15

Diboto hamu do, anggo pamatangmunu i anggota ni pamatang ni Kristus do i. Antong, tola ma he buatonku sada anggota ni pamatang ni Kristus i, gabe hubaen anggota ni pamatang ni panggampang? Nada songon i!

2 KORINTUS 1:18

Husumpahon ma tu Debata na sintong i, anggo janjingki tu hamu nada, “Olo” sanga “Inda”.

GALATIA 2:17

Hara ni hasadaonta dohot Kristus, diarop rohanta do anso gabe mardenggan hita mangulahi tu Debata. Tapi haru pe na dung songon i pangalahona angkon laing tardapot do hami “angka pardosa” songon angka jolma na so Jahudi. Adong he ulaning Kristus i do na manjujui hami anso mardosa? Nada songon i!

GALATIA 2:21

Nada huambungkon silehen-lehen ni Debata. Muda gabe denggan do mangulahi parsambungan ni Debata dohot jolma hara ni na nidalankon ni halahi Tona i, antong nada adong be gunana mate Kristus.

GALATIA 6:14

Tapi anggo au sanga na bia pe nada ra au mamuji-muji sanga aha, asing sian silang ni Tuhanta Jesus Kristus i. Angke hara ni silangNa i madung mate au maradopkon portibi on, jana portibi on pe, madung mate di au.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

1 JOHANNES 5:10

Hara ni i, sanga ise halak na porsaya tu Anak Ni Debata, madung dijagit Ia hasaksian on di bagasan dirinia; tapi anggo halak na so porsaya tu Debata, madung dibaen Ia Debata gabe songon pargabus, angke nada porsaya ia tu na nipatangkas ni Debata taringot tu AnakNia i.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.