SURAT NI SI PAULUS TU PARLAGUTAN ROM 3:31 - BIBEL JAMITA NA DENGGAN

³¹ Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 3:31 ပူးပေါင်းရင်းမြစ်များ

MASMUR 119:126

O Tuhan, madung hatihana do tindakan baenonMu, angke nada dioloi halak tona na nipasahatMu.

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

MATEUS 15:6

hara ni i nada diwajibkon be pasangaponnia simatobangnia i. Hum hara ni adat hasomalan ni ompungmunu, gabe so mararga be hata ni Debata dibaen hamu.

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

MATEUS 5:17

“Ulang ninna rohamunu, na giot mansoadahon angka Tona ni ugamo Jahudi na niajarkon ni si Musa dohot panurirang-panurirang i, umbaen na ro Au. Nada na giot mangagohon i umbaen na ro Au, tapi na giot mambaen sanggam do.

MATEUS 5:20

Jadi Hudok ma tu hamu: Muda nada sumurung hatigoranmu sian hatigoran ni angka Parise dohot Siboto Surat, nada tarbaen hamu masuk tu Harajaan Ni Banua Ginjang.”

LUKAS 20:16

“Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

SURAT NI SI PAULUS TU PARLAGUTAN ROM 10:4

Dibaen Kristus do hasidungan ni Tona i, jadi dapotan hatigoran ma sude halak na porsaya.

SURAT NI SI PAULUS TU PARLAGUTAN ROM 2:20

guru ni halak na oto ma hamu, jana pangajari ni angka na menek. Dihaposi rohamunu do, na diboto hamu do rumang ni sude parbinotoan dohot hasintongan sian Tona i.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

SURAT NI SI PAULUS TU PARLAGUTAN ROM 3:6

Bagi na bia pe, nada! Angke sugari inda tigor Debata, bia ma he baenonNia manguhumi portibi on?

SURAT NI SI PAULUS TU PARLAGUTAN ROM 4:14

Angke sugari halak na burju mangoloi Tona i sajo do na giot maruli di na nijanjihon ni Debata i, nada adong gunana haporsayaan i, jana hum hata-hata sajo do janji i.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

SURAT NI SI PAULUS TU PARLAGUTAN ROM 7:25

Tarimakasi ma di Debata, markite-hite Jesus Kristus Tuhanta i! Jadi na mangoloi Tona Ni Debata do au mangihutkon rohangku, tapi na mangoloi tona ni dosa do au mangihutkon bako ni hajolmaon.

SURAT NI SI PAULUS TU PARLAGUTAN ROM 8:4

Dibaen Debata pe songon i, anso tardalankon do tuntutan na tigor sian na nidok ni Tona i di bagasan dirinta, na mangolu mangihutkon Tondi Ni Debata jana na so mangihutkon bako ni jolma.

1 KORINTUS 9:21

Tu angka halak na so marTona, songon na so marTona do au Haru pe na so diluar ni Tona i au mangolu, angke tona ni Kristus do oloanku. Hubaen songon i anso dapot au do halahi di Kristus.

GALATIA 2:19

Tapi anggo taringot tu Tona, na mate do au – dimatehon Tona i sandiri – anso tarbaen mangolu au di Debata. Madung diparsilangkon au rap dohot Kristus.

GALATIA 2:21

Nada huambungkon silehen-lehen ni Debata. Muda gabe denggan do mangulahi parsambungan ni Debata dohot jolma hara ni na nidalankon ni halahi Tona i, antong nada adong be gunana mate Kristus.