SURAT NI SI PAULUS TU PARLAGUTAN ROM 3:27 - BIBEL JAMITA NA DENGGAN

²⁷ Antong anggo songon i, aha ma he dalanna giot margincat ni roha? Nada adong. Hara ni aha do? Hara ni pambaenan do? Nada! Tapi hara ni haporsayaan do!

SURAT NI SI PAULUS TU PARLAGUTAN ROM 3:27 ပူးပေါင်းရင်းမြစ်များ

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

SURAT NI SI PAULUS TU PARLAGUTAN ROM 10:5

Disuratkon si Musa do taringot tu hatigoran na ro sian Tona i, “Halak na mangkarejohon Tona i, mangolu do markite-hite i.”

SURAT NI SI PAULUS TU PARLAGUTAN ROM 11:6

Tapi hara ni asi ni roha do, nada be sian pambaenan; sugari nada songon i nada asi ni roha be dohonon asi ni roha i.

SURAT NI SI PAULUS TU PARLAGUTAN ROM 2:17

Jadi saonnari, bia noma taringot tu hamu angka halak Jahudi on? Didok hamu, halak Jahudi hamu, na maniop Tona i jana na marjop ni roha di bagasan Debata;

SURAT NI SI PAULUS TU PARLAGUTAN ROM 2:23

Ginjang do rohamunu hara ni na adong di hamu Tona i hape marbile do Debata markite-hite hamu na so patuluskon Tona i.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 3:26

Jadi dipatidahon Ia do hatigoranNia di hatiha on, anso tarida na tigor do Ia, jana patigorkon halak na porsaya tu Jesus.

SURAT NI SI PAULUS TU PARLAGUTAN ROM 4:2

Angke muda dipatigor do si Abraham hara ni pambaenannia, jadi adong ma dalannia giot marginjang ni roha, tapi nada di adopan ni Debata.

SURAT NI SI PAULUS TU PARLAGUTAN ROM 7:21

Jadi dapot au Tona songon on: Muda huparhagiot mambaen na denggan, na jahat i do ro tu au.

SURAT NI SI PAULUS TU PARLAGUTAN ROM 7:23

tapi tangkas muse do huboto bahaso adong dope tona na asing di bagasan goar-goaran ni pamatangku na maralo tu na nidok ni tona na nioku ni taroktokki. Hara ni i ma umbaen na tarrahut au tu tona ni dosa na adong di bagasan goar-goaran ni pamatangku.

SURAT NI SI PAULUS TU PARLAGUTAN ROM 7:25

Tarimakasi ma di Debata, markite-hite Jesus Kristus Tuhanta i! Jadi na mangoloi Tona Ni Debata do au mangihutkon rohangku, tapi na mangoloi tona ni dosa do au mangihutkon bako ni hajolmaon.

SURAT NI SI PAULUS TU PARLAGUTAN ROM 8:2

Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

SURAT NI SI PAULUS TU PARLAGUTAN ROM 9:31

Tapi, anggo Israel na manjalahi tona na parohon hatigoran, nada jabat lalu tu tona i.

SURAT NI SI PAULUS TU PARLAGUTAN ROM 9:32

Biasi nada? Dibaen nada hara ni haporsayaan halahi mangkarejohonna, tapi hara ni pambaenan do. Tartuktuk do halahi di batu partuktuhan.

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.