SURAT NI SI PAULUS TU PARLAGUTAN ROM 3:20 - BIBEL JAMITA NA DENGGAN

²⁰ Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 3:20 ပူးပေါင်းရင်းမြစ်များ

JOB 15:15

Salangkan tu surusuruan pe so na porsaya Debata; nada ias halahi diida Ia.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

BAENON NI ANGKA RASUL 13:39

jana nipatigor do ganup halak na porsaya diSia. Nada tarpalua hamu markite-hite tona ni si Musa.

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

SURAT NI SI PAULUS TU PARLAGUTAN ROM 3:28

Antong songon on noma etongon ni rohanta: Markite-hite haporsayaan do jolma i dipatigor, nada hara ni na mangkarejohon Tona i.

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

SURAT NI SI PAULUS TU PARLAGUTAN ROM 4:15

Dibaen anggo Tona i manubuhon rimas ni roha; angke barang di dia nada adong Tona, nada adong disi pangalaosion.

SURAT NI SI PAULUS TU PARLAGUTAN ROM 5:13

Dibaen dompak so adong dope Tona madung adong hian dosa i di portibi on. Tapi nada nietong dosa i, muda so adong Tona i.

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

SURAT NI SI PAULUS TU PARLAGUTAN ROM 7:11

Harana di bagasan parenta i, dapotan inganan do dosa i giot paoto-otohon au jana markite-hite parenta i dibunu ia au.

SURAT NI SI PAULUS TU PARLAGUTAN ROM 9:32

Biasi nada? Dibaen nada hara ni haporsayaan halahi mangkarejohonna, tapi hara ni pambaenan do. Tartuktuk do halahi di batu partuktuhan.

1 KORINTUS 15:56

Anggo corot ni hamatean i, i ma dosa jana kuaso ni dosa i, i ma Tona i.

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

GALATIA 2:19

Tapi anggo taringot tu Tona, na mate do au – dimatehon Tona i sandiri – anso tarbaen mangolu au di Debata. Madung diparsilangkon au rap dohot Kristus.

GALATIA 5:4

Muda sian na mandalankon Tona do diusahahon hamu mardenggan dohot Debata, gabe digotapkon hamu ma parsambunganmunu sian Kristus. Di balian ni hadengganan ni roha ni Debata noma hamu mangolu.

IBRANI 7:19

Dibaen nada adong na ni paujung ni Tona na sanggam i, hara ni i do nipabangkit arop ni roha na dumenggan, markite-hite i do tarpadonok hita tu Debata.