SURAT NI SI PAULUS TU PARLAGUTAN ROM 3:2 - BIBEL JAMITA NA DENGGAN

² Tontu bahat do i. Parjolo, harana halahi do hasahatan ni angka hata ni Debata.

SURAT NI SI PAULUS TU PARLAGUTAN ROM 3:2 ပူးပေါင်းရင်းမြစ်များ

MASMUR 119:140

Hot do janjiMu jana haposan, sai holong do rohangku midasa,

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

DANIEL 10:21

Tapi haru pe songon i, paboaonKu do tu ho sanga aha na tarsurat di Buku Hasintongan i. Nada adong sahalak pe na jongjong mamihak tu au sian ias ni roha mangalo halahi, ia so hum si Mikhael, pamimpinmunu i,

JOHANNES 5:39

Diparsiajari hamu do nian Buku Na Badia i angke dipikir hamu dapot hamu ma hangoluan na so mantak i muda dung diparsiajari hamu i. Jana Buku Na Badia i sandiri pe disaksihon i do taringot tu Au!

BAENON NI ANGKA RASUL 7:38

Laing si Musa do na gabe panonga-nongai sian bangso Israel di parkorsihan i, maradopkon surusuruan na mangkatai tusia di Dolok Sinai bope tu ompunta i. Ia do na manjagit hata hangoluan sian Debata sipabolkason tu hita.

SURAT NI SI PAULUS TU PARLAGUTAN ROM 1:2

I ma na nijanjihon ni Debata najolo markite-hite panurirangNia, songon na tarsurat i di Buku Na Badia.

SURAT NI SI PAULUS TU PARLAGUTAN ROM 2:18

na umboto hagiotNia, jana na umboto na denggan dohot na so denggan, hara ni na diajar di bagasan Tona i.

SURAT NI SI PAULUS TU PARLAGUTAN ROM 3:1

Antong, aha dehe hasurungan ni halak Jahudi sanga aha guna ni sunat?

SURAT NI SI PAULUS TU PARLAGUTAN ROM 3:3

Tapi bia ma i, anggo adong do deba halak Jahudi na so setia? Sanga hara ni i ma he dalanna gabe nada setia Debata?

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

1 KORINTUS 9:17

Sugari ma rupani hara ni giot-giotku sandiri sajo na mandalankon karejo i, tontu tola ma au mararop ni roha manjagit upa. Tapi nada hagiotku manjamitahon Jamita Na Denggan i. Debata do marsuru au mandalankon i.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

GALATIA 2:7

Hape dioku angka halak na tarpandang i do, na nipasahat ni Debata do au laho manjamitahon Jamita Na Denggan i tu angka halak na so Jahudi dos dohot si Petrus na nisuruNa laho manjamitahon Jamita Na Denggan i tu halak Jahudi.

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

IBRANI 5:12

Satutuna nian, madung hatihana gabe guru hamu, hape angkon laing porlu dope hamu marsiajar tu halak na asing taringot tu ojahan ni angka pangajaran ni Debata. Laing na so tarpangan hamu dope panganon na pir; angkon laing minum susu sajo dope hamu.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

HALUMBAAN 22:6

Jadi didok surusuruan i ma tu au, “Tutu do sude pandohan on jana sihaposan, Tuhan Debata na mangalehen TondiNia tu angka panurirang i, i do na marsuru surusuruanNia laho patuduhon tu angka naposoNia sanga aha na angkon masa santongkin nari.”