SURAT NI SI PAULUS TU PARLAGUTAN ROM 3:1 - BIBEL JAMITA NA DENGGAN

¹ Antong, aha dehe hasurungan ni halak Jahudi sanga aha guna ni sunat?

SURAT NI SI PAULUS TU PARLAGUTAN ROM 3:1 ပူးပေါင်းရင်းမြစ်များ

PAMUNGKAAN 25:32

Didok si Esau ma, “Ahana ma he di au hak na songon i. Ma pola satonga mate huhilala na malean on!”

MASMUR 147:20

Anggo tu angka bangso na asing nada dibaen Ia songon i, nada ditanda halahi angka uhumNia i. Puji ma Tuhan!

PARJAMITA 6:11

Mur honok ia manjua, mur so mararti do hata na nidokna, mur so adong do sanga aha untungnia.

PARJAMITA 6:8

Antong, aha ma hauntungan ni halak na pistar sian sada halak na oto? Aha muse ma gunana diboto halak na pogos carana laho mangadopi ngolu on?

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

JOHANNES 4:22

Hamu angka halak Samaria disomba hamu do na so ditanda hamu, tapi anggo hami halak Jahudi, na hami tanda do na hami somba; angke sian halak Jahudi do ro haluaan i.

SURAT NI SI PAULUS TU PARLAGUTAN ROM 3:2

Tontu bahat do i. Parjolo, harana halahi do hasahatan ni angka hata ni Debata.

SURAT NI SI PAULUS TU PARLAGUTAN ROM 3:9

Jadi bia do na dumenggan dope hita hara ni halak Jahudi i hita, ulang pado halak na asing? Satutuna, nada! Madung tapajojor nangkin, sanga na halak Jahudi, sanga na halak na asing pe, sude do hita di toru ni kuaso ni dosa.

1 KORINTUS 15:32

Anggo hum hara ni na somal masa di jolma sajo do pola ma marsiranggut au mangalo angka binatang panyoro di Epesus on, aha ma labongku sian i? Anggo so pangoluon do halak na mate i mangulahi, antong dumenggan ma: “Mangan minum hita jana marsonang-sonang, harana laing na mate do hita ancogot.”

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.