SURAT NI SI PAULUS TU PARLAGUTAN ROM 2:8 - BIBEL JAMITA NA DENGGAN

⁸ Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

SURAT NI SI PAULUS TU PARLAGUTAN ROM 2:8 ပူးပေါင်းရင်းမြစ်များ

2 JUJUR TAON 6:23

ale Tuhan, sai tangihon ma i sian banua ginjang jana Ho ma mamutuskon parkaro ni angka naposoMon. Uhumi ma angka na marsala jana palua ma na so marsala.”

JOB 24:13

Adong do halak na pasilihon sinondang, nada tandaon ni halahi dalannia bope na so tarihutkonsa.

MASMUR 90:11

Ise unjung manghilalahon hasogenon ni rimasMu? Ise umboto akibat ni murukMu?

PODA 11:23

Hum parohon jop ni roha do hagiot ni halak partigor, tapi hagiot ni halak parjahat patubuhon hagigian.

PODA 13:10

Mambaen parbadaan do gincat ni roha; tapi na manangihon poda dapotan bisuk do.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JEREMIA 34:18

Madung mambaen parjanjian tu Au angka pangituai ni Juda dohot Jerusalem rap dohot angka pagawe ni bagas godang, angka malim dohot sandok pamimpinna. Disambol do lombu laho mangarasmihon parjanjian i, diponggol dua ma lombu i jana mamolus ma sian antara ni ponggolanna na dua i. Hape dilaosi halahi muse do parjanjian i jana nada digohi halahi angka saratna. Hara ni i baenonKu ma tu halahi songon na nibaen ni halahi tu lombu i.

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 10:16

Tapi nada sudena halak manjagit Jamita Na Denggan i. Angke didok si Jesaya do, “O Tuhan, ise ma he na mangkaporsayai na hami baritahon i?”

SURAT NI SI PAULUS TU PARLAGUTAN ROM 15:18

Angke nada puluk au mangkobari taringot tu bagi aha pe, asing ni na dikarejohon ni Kristus markite-hite au, anso hupatunduk angka bangso na asing tu pangoloion, markite-hite hata dohot pambaenan,

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

1 KORINTUS 11:16

Jadi muda adong barang ise na giot manangkang, nada hasomalannami sanga angka parlagutan ni Debata mambaen na songon i.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

PILIPPI 1:17

Tapi anggo halak na asing, nada denggan maksud ni halahi manjamitahon Kristus i; na patongon tu hagiotna do halahi na marjamita i. Ning roha ni halahi, mur tamba susa ma au di hurungan hara ni halahi.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

TITUS 3:9

Padao ma ho sian angka partongkaran na so marguna dohot sian parsoalan ni angka tarombo. Ulang dohot-dohoti angka partangkangan dohot parbadaan taringot tu angka Tona ni ugamo. Inda adong guna ni i sude jana nada adong muse untungna.

IBRANI 10:27

Hum na manjagit pangadilan ni Debata sajo noma hita dohot manjagit hagugurgur ni muruk ni Debata na mangabiskon sanga ise halak na mangalo Debata!

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 3:16

Muda masa pangiburuon dohot na manyarihon dirina be, masa muse ma disi hagaoron dohot sude ragam-ragam ni na jat.

1 PETRUS 3:1

Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?

HALUMBAAN 14:10

painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.