SURAT NI SI PAULUS TU PARLAGUTAN ROM 2:7 - BIBEL JAMITA NA DENGGAN

⁷ Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

SURAT NI SI PAULUS TU PARLAGUTAN ROM 2:7 ပူးပေါင်းရင်းမြစ်များ

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

JEHESKIEL 18:17

Na so jungada do dibaen ia na jahat sanga na painjamkon ia mardongan bunga. Burju do ia mandalankon angka tona na sian Au jana dioloi ia do na Huparentahon. Nada mate anakna i hara ni angka dosa ni amangna, tapi laing tongtong do mangolu.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

LUKAS 21:19

Muda martahan hamu jana sobar, dapotan ngolu ma hamu.”

LUKAS 8:15

Same na madabu tu tano na napu i, i ma manggambarkon angka halak na umbege hata i, jana na manjagohon sadenggan-dengganna di bagasan roha ni halahi. Burju do halahi jana sobar, gabe tulus ma marbatuhon parbatu na denggan.”

JOHANNES 4:36

Manjagiti upana ma angka na manyabi i; jana dipalagut ma suhana i tu hangoluan na so mantak. Rap marsonang-sonang ma panyabur dohot panyabi.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

SURAT NI SI PAULUS TU PARLAGUTAN ROM 2:10

Tapi anggo halak na sai mambaen na denggan, lehenon ni Debata ma hasangapan dohot hamuliaon bope hasonangan; talobi-lobi tu halak Jahudi, songon i muse tu halak Junani.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

SURAT NI SI PAULUS TU PARLAGUTAN ROM 8:18

Sude sitaonon na tabolus saonnari, anggo ning rohangku, nada tarpatudos dope i tu hasangapan na giot papataron i di hita.

SURAT NI SI PAULUS TU PARLAGUTAN ROM 9:23

Por muse do roha ni Debata patuduhon tu hita hasangapanNia na marlobi-lobi na niusehonNia tu hita angka na nihaholonganNia. Madung dihobasi Ia hian hita laho manjagit hasangapanNia i,

1 KORINTUS 15:42

Songon i ma pangalahona sanoli on taringot tu angka na mate mangulahi dipangolu. Anggo pamatang na nitanom i, pamatang na ra busuk do i. Tapi anggo pamatang na mulak mangolu i, pamatang na so marhaujungan do i.

1 KORINTUS 15:50

Na hudok disi hamu angka dongan, on do: Anggo pamatang na dijadihon sian sibuk dohot sian mudar, nada tarbaen gabe parsidohot di Harajaan Ni Debata; pamatang na ra mate pe nada tarbaen gabe pamatang na manongtong.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

EPESUS 6:24

Sai dipasupasu Debata ma hamu angka dongan sudena na mangkaholongi Tuhanta Jesus Kristus mardongan holong ni roha na so muba-uba.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

2 TIMOTEUS 1:10

Jana saonnari dipatidahon Debata ma denggan ni rohaNia i tu hita sian haroro ni Sipaluanta Kristus Jesus. Ditaluhon Jesus do kuaso ni hamatean jana dilehen Ia ngolu na so ra mantak markite Jamita Na Denggan i.

IBRANI 2:7

Santongkin dipasurut Ho ia sian surusuruan i, dung i ditukuhon Ho hasangapan, dohot hamuliaan tusia,

IBRANI 6:12

Nada por rohanami gabe losok hamu. Anggo giotnami, mangolu ma hamu songon halak na manjagit sanga aha na nijanjihon ni Debata hara ni haporsayaanmunu tuSia dohot hasobaranmunu paintehonsa.

IBRANI 6:15

Jadi hara ni sobarna si Abraham paintehon, gabe dijagit ia do na nijanjihon ni Debata tusia.

1 JOHANNES 2:25

Jana on ma na nijanjihon ni Kristus sandiri tu hita, i ma ngolu na manongtong.