SURAT NI SI PAULUS TU PARLAGUTAN ROM 2:5 - BIBEL JAMITA NA DENGGAN

⁵ Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

SURAT NI SI PAULUS TU PARLAGUTAN ROM 2:5 ပူးပေါင်းရင်းမြစ်များ

2 JUJUR TAON 30:8

Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

JOB 21:30

Pandok ni halahi, ‘Di ari pandabu ni Debata di uhuman i, angka parjahat paluaon ma disi.’

MASMUR 110:5

Di siamunmu do Tuhan, muda jabat muruk Ia, angka raja pe dironcohon Ia.

MASMUR 95:8

“Ulang hamu tangkang songon ompumunu i, dompak di Meriba halahi, di parhorsihan Masa.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

PODA 1:18

hape anggo angka halak na jahat i, suhar-suhar ni i do. Dihuar halahi do lubang, jana halahi sandiri do na runcur tu bagasan lubang i.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 28:14

Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

JESAYA 48:4

Huboto do ho sijogal roha, kapala batu, pir songon bosi.

JEREMIA 40:3

Saonnari madung dipatulus pangalaho i, hara ni na dung mardosa bangsomu jana nada ra mangoloi tuSia.

JEHESKIEL 11:19

LehenonKu ma tu halahi roha na imbaru dohot taroktok na imbaru. BuatonKu ma roha ni halahi na songon pir ni batu i jana gontionKu dohot roha na marpangoloion tu Au.

JEHESKIEL 3:7

Tapi anggo bangso Israel nada ra manangihon na nidokmu, salangkan Au so ditangihon halahi. Sijogal roha do halahi sude jana sai mangalo.

DANIEL 5:20

Tapi dung ginjang rohania, jogal rohana jana jingar, didabuhon do ia sian harajaannia jabat mago dohot hagodangannia.

HOSEA 13:12

“Madung dibungkus hasalaan ni Efraim, jana disimpan do dosana i.

AMOS 3:10

“Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.

PANGARATAION 2:30

Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.

PANGARATAION 32:34

Diingot Tuhan do sude, pangalaho ni musuna, Diuhumi Ia halahi, di hatiha hadenggananNa.

2 TESSALONIKA 1:5

Dison ma tarida sanga na bia tigorna Uhum Ni Debata: Manaon parkancitan do hamu hara ni Harajaan Ni Debata, jadi etongon ma hamu songon halak na patut masuk tusi.

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.

IBRANI 3:15

On ma na tarsurat di Buku Na Badia i, “Muda dibege hamu sadari on sora ni Debata, ulang ma pajogal hamu rohamunu, songon jogal ni roha ni ompungmunu i di na mangalo halahi tu Debata.”

IBRANI 4:7

Harana madung ditontuhon Debata sada ari na asing, i ma na nigoaran “Sadari on”. Dung adong piga-piga taon, dipaboa Debata ma taringot tusi markite-hite si Daud, i ma di ayat sinangkinan i, “Muda dibege hamu sadari on sora ni Debata, ulang ma pajogal hamu rohamunu.”

JAKOBUS 5:3

Madung haraton sere dohot perakmunu i; haratna i ma na gabe saksi mangalo hamu jana panganonna ma pamatangmunu songon api. Madung dipalagut hamu arta marayak ari na parpudi.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

HALUMBAAN 2:21

Jana madung Hulehen tusia hatiha anso dipauba ia ma rohania sian na markarosuan i; tapi nada dipauba ia rohania.

HALUMBAAN 6:17

Dibaen madung ro ari haririmas ni halahi, ise ma he na tarbaen manaon i lakna? Jana umpe adong sahalak na tarbaen manahan di jolo ni halahi!”

1 SAMUEL 6:6

Aha he gunana jogal rohamunu songon raja bope halak Mesir najolo? Ulang hamu lupa di na niparloja ni Debata halahi, lopus muba roha ni halahi gabe dipaloas halahi halak Israel i morot sian Mesir.