SURAT NI SI PAULUS TU PARLAGUTAN ROM 2:3 - BIBEL JAMITA NA DENGGAN

³ Jana ho, ale jolma, na manguhumi halak na mambaen na songon i, tapi laing dohot do ho mangkarejohon na songon i, adong he dipikir ho tarbaen ho malua sian uhuman ni Debata?

SURAT NI SI PAULUS TU PARLAGUTAN ROM 2:3 ပူးပေါင်းရင်းမြစ်များ

2 SAMUEL 10:3

Tapi didok angka parpangkat na di Luat Amon i ma tu si Hanun, “Na diambang roha ni raja i dehe lakna na laho pasangapkon amanta umbaen na ditongos si Daud tonana dohot mararsak ni roha i. Nada! Na giot mamata-matai kota on do disuru ia angka jolma i tuson, anso tartaluhon ia kota on muse.”

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

MASMUR 56:7

Balos ma ale Debata hajahatan ni halahi i, pasidung ma halahi di hamumurukMi.

PODA 11:21

Halak na jahat pasti dapot uhuman; halak na denggan marhaluaan.

PODA 16:5

Dihagigihon Tuhan do sude halak siginjang roha; nada dipadiar halahi malua sian uhumanNa.

JEHESKIEL 17:15

Tapi manggagai do raja ni Juda i lalu ditongos ia utusan tu Mesir laho manjagit kudo dohot tentara na bahat. Manjadi ma he karejonia i? Padiaronna ma he ia malua? Nada tarbaen na mansoadahon parjanjian malua sian uhuman!

JEHESKIEL 17:18

Hara ni na mangalaosi ia di sumpa dohot janjinia, pola do sampe marsijalangan, gabe nada tarbahen ia be paluahon dirina.

DANIEL 10:19

Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

MATEUS 26:53

Ninna rohamu lakna na so tarpangido Au partolongan tu Damang, jana tarsuru Damang do manigor lobi sian dua bolas legion surusuruan?

LUKAS 12:14

Dialusi Jesus ma, “Ise ma he dongan, na mambaen Au gabe panguhum sanga gabe pambagi arta tean-teanan ni hamu na dua?”

LUKAS 22:58

Santongkin nari muse, diida halak na asing ma si Petrus jana didok ma, “Ho pe dohot do sada sian halahi!” Tapi dialusi si Petrus ma, “Nada le, inda au i!”

LUKAS 22:60

Tapi dialusi si Petrus ma, “Nada huastui sanga aha na nidokmi!” Laing di hatiha i, di na mandok hata i dope si Petrus martahuak ma manuk.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

SURAT NI SI PAULUS TU PARLAGUTAN ROM 2:2

Tapi taboto do mangihutkon hasintongan do uhuman ni Debata angka na mambaen si songon i.

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.