SURAT NI SI PAULUS TU PARLAGUTAN ROM 2:28 - BIBEL JAMITA NA DENGGAN

²⁸ Harana anggo halak Jahudi na tutu, nada hum na niida ni mata sajo halahi Jahudi; jana halak na tutu-situtu marsunat, nada hum na tarida di pamatangna sajo na marsunat.

SURAT NI SI PAULUS TU PARLAGUTAN ROM 2:28 ပူးပေါင်းရင်းမြစ်များ

MASMUR 73:1

Satutuna burju do Debata mida na bulus roha, mida halahi na ias rohana.

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JEREMIA 9:25

Didok Tuhan ma, “Dapot do i hatihana, uhumanKu halak Mesir, Juda, Edom, Amon, Moab dohot halak na mangingani padang halongonan na manggusting pendek obukna. Na dung marsunat do sude angka jolma i, hape halahi sandiri bope halak Israel nada maniop parjanjianKu na nigambarkon ni sunat i.”

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

SURAT NI SI PAULUS TU PARLAGUTAN ROM 2:17

Jadi saonnari, bia noma taringot tu hamu angka halak Jahudi on? Didok hamu, halak Jahudi hamu, na maniop Tona i jana na marjop ni roha di bagasan Debata;

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!