SURAT NI SI PAULUS TU PARLAGUTAN ROM 2:25 - BIBEL JAMITA NA DENGGAN

²⁵ Sugari na burju hamu mangoloi Tona i, marguna muse do na marsunat i hamu. Tapi anggo dilanggar hamu do aturan i gabe nada adong be guna ni sunat i.

SURAT NI SI PAULUS TU PARLAGUTAN ROM 2:25 ပူးပေါင်းရင်းမြစ်များ

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

SURAT NI SI PAULUS TU PARLAGUTAN ROM 2:23

Ginjang do rohamunu hara ni na adong di hamu Tona i hape marbile do Debata markite-hite hamu na so patuluskon Tona i.

SURAT NI SI PAULUS TU PARLAGUTAN ROM 2:26

Sugari adong halak na asing na so marsunat, mandalani angka pangidoan ni Tona i, inda he dietong Debata i songon halak na dung nisunat?

SURAT NI SI PAULUS TU PARLAGUTAN ROM 2:27

Jana salahonon ni angka na so marsunat humani i ma hamu halak Jahudi, angke haru pe adong tarsurat aturan di hamu jana marsunat do hamu, hape dilanggar hamu do aturan i. Anggo halahi nada nisunat, hape halahi do na mangoloi aturan i.

SURAT NI SI PAULUS TU PARLAGUTAN ROM 2:28

Harana anggo halak Jahudi na tutu, nada hum na niida ni mata sajo halahi Jahudi; jana halak na tutu-situtu marsunat, nada hum na tarida di pamatangna sajo na marsunat.

1 KORINTUS 7:19

Rap na so marguna do na mangoloi aturan ni sunat dohot na so mangoloi. Mangoloi parenta ni Debata do na porlu.

GALATIA 6:13

Angka halak na mangihutkon paraturan ni sunat i pe, nada didalankon halahi aturan i. Hape giot ni halahi angkon marsunat ma hamu, anso tarbaen halahi mamuji diri paboa na niihutkonmunu paraturan i.

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.