SURAT NI SI PAULUS TU PARLAGUTAN ROM 2:22 - BIBEL JAMITA NA DENGGAN

²² Diajari hamu anso ulang markarosuan halak na asing, hape apala ho sandiri markarosuan! Goyak rohamunu mida gana-ganaan, hape dibuat hamu sandiri angka barang-barang sian inganan ni gana-ganaan i.

SURAT NI SI PAULUS TU PARLAGUTAN ROM 2:22 ပူးပေါင်းရင်းမြစ်များ

MASMUR 50:17

Nada ra ho manjagit sipaingotKu, jana ditulak ho do angka parentangKu.

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

JEREMIA 9:2

Sugari dapot au ma di padang halongonan inganan parbornginan di halak na mardalanan! Hutadingkon noma bangsongku, jana marlojong au tusi laho mandao sian halahi. Panghianat do halahi sudena, sada punguan ni halak na so setia,

JEHESKIEL 22:11

dadaboru ni halak sanga parumaenna sanga ibotona sian ina na asing.

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

MALEAKI 1:8

Muda dihaulkon hamu tu Au binatang na mapitung sanga na marnyae, sanga na onyangon, adong he nada sala dietong hamu pangalaho na songon i? Cubo hamu jolo mangalehen binatang na songon i tu pamimpin! Pasti do nada sonang rohania manjagitsa jana nada denggan muse be baenonnia tu hamu, ninna Tuhan Na Markuaso.”

MALEAKI 3:8

Tola ma he jolma paoto-otohon Debata? Tapi dipaoto-oto hamu do Au. Tapi didok hamu do, ‘Dohot dalan dia ma he hami paoto-otohon Ho?’ Taringot tu haul parsampuluan dohot haul na sumurung.

MATEUS 12:39

“Pomparan ni na jahat jana na so setia on mangido sada tanda hahomangan, tapi nada lehenon di hamu tanda hahomangan, asing sian tanda hahomangan na tu Panurirang Junus.

MATEUS 16:4

“Songon on ma jahatna dohot durakona na giot mangido tanda? Hum sada tanda pe nada patuduhonon tu hamu, asing sian tanda na tu si Junus.” Dung didokkon Jesus songon i, ditinggalkon Ia ma halahi, lalu kehe Ia.

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”

BAENON NI ANGKA RASUL 19:37

Nada hara ni na nitangko ni halak on bagas ni debata sanga dipabile halahi debatanta i umbaen na niobanmunu halahi tuson.

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?