SURAT NI SI PAULUS TU PARLAGUTAN ROM 2:20 - BIBEL JAMITA NA DENGGAN

²⁰ guru ni halak na oto ma hamu, jana pangajari ni angka na menek. Dihaposi rohamunu do, na diboto hamu do rumang ni sude parbinotoan dohot hasintongan sian Tona i.

SURAT NI SI PAULUS TU PARLAGUTAN ROM 2:20 ပူးပေါင်းရင်းမြစ်များ

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

SURAT NI SI PAULUS TU PARLAGUTAN ROM 2:19

Dihaposi rohamunu do sitogu na mapitung hamu jana sinondang do hamu di halak na maringanan di na golap;

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

1 KORINTUS 3:1

Anggo au ale angka dongan, nada tarbaen au hatiha i mangkatai dohot hamu songon tu halak na maruli Tondi, tapi songon tu halak na marroha portibi, na poso dope di bagasan Kristus.

2 TIMOTEUS 1:13

Haburjuhon ma mangihutkon pangajaran na tutu na dung huajarkon i tu ho. Jana porsaya ma ho tongtong dohot marholong ni roha, angke na dung mardomu do ho dohot Jesus Kristus.

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

IBRANI 5:13

Sanga ise na laing manyusu, tontu nada diastui ia dope ajaran taringot tu na tigor, harana dakdanak dope ia.

JAKOBUS 3:1

Hamu ale angka dongan! Ulang ma bahat sian hamu na marpor ni roha gabe guru. Nada he diboto hamu do anggo hita na gabe guru angkon umborat do uhumanna sian angka halak na asing i.

1 PETRUS 2:2

Songon dakdanak na baru sorang na sai manguas di susu na polin, laing songon i ma hamu manguas tongtong di susu na polin sian Hata Ni Debata; anso mur magodang hamu jana dipalua.