SURAT NI SI PAULUS TU PARLAGUTAN ROM 2:15 - BIBEL JAMITA NA DENGGAN

¹⁵ Pangalaho ni halahi ma na patuduhon paboa na dung tarsurat di ate-ate ni halahi angka aturan i. Dohot muse do taroktok ni halahi manyaksihon i, angke halahi sandiri pe jotjot do huhul dipasala sanga ditudu roha ni halahi.

SURAT NI SI PAULUS TU PARLAGUTAN ROM 2:15 ပူးပေါင်းရင်းမြစ်များ

PAMUNGKAAN 20:5

Na nidok ni si Abraham sandiri do ibotonia anakboru i, jana songon i muse do pandok ni anakboru i. Sian ias ni rohangku do hubaen songon i, jana nanggo adong hubaen na sala.”

1 RAJA-RAJA 2:44

Tangkas do diboto ho sude hajahatanmu tu damang. Hara ni i uhuman ni Tuhan ma ho

JOB 27:6

Laing na marsitiopan do au tu pangoloionku, jana rohangku pe di bagasan laing na ias do i tutu.

PARJAMITA 7:22

Ho sandiri pe diboto ho do jungada do diburai ho halak na asing.

JOHANNES 8:9

Dung dibege halahi songon i pandok ni Jesus, morot ma halahi sian inganan i kehe-kehe sada mamungka sian na tumobang. Ujungna tinggal ma Jesus sajo disi dohot anak boru i na laing jongjong disi.

BAENON NI ANGKA RASUL 23:1

Diligi si Paulus ma jolo anggota ni pangadilan i, lalu didok ia ma, “Hamu angka kahanggingku! Lopus saonnari na so adong dope huhilala marsala au tu Debata di bagasan taroktokku taringot tu pardalan ni ngolungku.”

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

SURAT NI SI PAULUS TU PARLAGUTAN ROM 2:14

Anggo bangso na asing, nada diboto halahi Tona i. Tapi muda dipatulus halahi na nidok di bagasan Tona i sian roha ni halahi sandiri, jadi roha ni halahi sandiri ma na gabe tona ni halahi, haru pe nada diboto halahi dope Tona Ni Debata.

SURAT NI SI PAULUS TU PARLAGUTAN ROM 2:27

Jana salahonon ni angka na so marsunat humani i ma hamu halak Jahudi, angke haru pe adong tarsurat aturan di hamu jana marsunat do hamu, hape dilanggar hamu do aturan i. Anggo halahi nada nisunat, hape halahi do na mangoloi aturan i.

SURAT NI SI PAULUS TU PARLAGUTAN ROM 9:1

Tutu do na hudok di bagasan Kristus, nada margabus au, disaksihon taroktokki do songon i markite-hite Tondi Parbadia.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!