SURAT NI SI PAULUS TU PARLAGUTAN ROM 2:12 - BIBEL JAMITA NA DENGGAN

¹² Angke sanga sadia na mardosa na so mamboto Tona Ni Debata, mago ma halahi di ruar ni Tona i; jana sanga sadia na mardosa na mamboto Tona i, markite Tona i do angkon di uhum halahi.

SURAT NI SI PAULUS TU PARLAGUTAN ROM 2:12 ပူးပေါင်းရင်းမြစ်များ

MATEUS 11:22

Tapi Hudok ma tu hamu, ‘Numayang do uhuman na tu kota Tirus dohot Sidon di ari panguhuman i, ulang pado tu hamu!’

MATEUS 11:24

Tapi Hudok ma tu hamu, ‘Numayang do uhuman na tu tano Sodom di ari panguhuman i, ulang pado tu ho!’ ”

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 4:15

Dibaen anggo Tona i manubuhon rimas ni roha; angke barang di dia nada adong Tona, nada adong disi pangalaosion.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

1 KORINTUS 9:21

Tu angka halak na so marTona, songon na so marTona do au Haru pe na so diluar ni Tona i au mangolu, angke tona ni Kristus do oloanku. Hubaen songon i anso dapot au do halahi di Kristus.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

PANGARATAION 27:26

‘Bura ni Debata ma di halak na so mangoloi sude uhum dohot pangajaran ni Debata.’ Dung i sude ma bangso i mandok: ‘I ma tutu!’ ”

JAKOBUS 2:10

Harana sanga ise na mangkarejohon sude Tona i, tapi nada dikarejohon ia sada sian i, na marsala do ia maradopkon sasudena i.