SURAT NI SI PAULUS TU PARLAGUTAN ROM 16:7 - BIBEL JAMITA NA DENGGAN

⁷ Laing pasahat hamu ma tabengku tu si Andronikus dohot tu si Junias. Dongan samargangku do halahi na dua jana unjung do halahi rap tarhurung dohot au. Dompak so porsaya dope au tu Kristus, madung parjolo halahi porsaya. Tarbonggal do halahi di tonga-tonga ni angka rasul.

SURAT NI SI PAULUS TU PARLAGUTAN ROM 16:7 ပူးပေါင်းရင်းမြစ်များ

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JESAYA 45:25

Hape anggo pomparan ni si Jakob paluaonKu ma, jana pujion ni halahi ma Au Tuhan.

JOHANNES 14:20

Di hatiha i tangkas ma botoonmunu, na di bagasan Damang do Au, hamu pe di bagasan Au jana Au di bagasan hamu.

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JOHANNES 6:56

Halak na mangankon pamatangKu jana na manginum mudarKu, ngolu ni halahi ma na sada tu Au jana ngolungKu pe sada tu halahi.

SURAT NI SI PAULUS TU PARLAGUTAN ROM 16:10

Tabe tu si Apelles, na polin di bagasan Kristus i. Tabengku muse tu dongan sabagas ni si Aristobulus,

SURAT NI SI PAULUS TU PARLAGUTAN ROM 16:11

dohot tu si Herodion. Samarga do i dohot au. Dohot tabe tu angka dongan sabagas ni si Narkisus, na rap porsaya tu Tuhan.

SURAT NI SI PAULUS TU PARLAGUTAN ROM 16:21

Si Timoteus donganki pe palalu tabe do tu hamu angka dongan sahaporsayaan. Songon i dohot sian si Lukius, si Jason dohot si Sosipater donganku samarga.

SURAT NI SI PAULUS TU PARLAGUTAN ROM 16:3

Palalu hamu ma tabengku tu si Priskila dohot si Akuila, i ma angka donganku saparkarejoan di bagasan Kristus Jesus.

SURAT NI SI PAULUS TU PARLAGUTAN ROM 16:6

Tabengku muse tu si Maria. Songon i ma lojana dihilala ia na markarejo i di hamu.

SURAT NI SI PAULUS TU PARLAGUTAN ROM 16:8

Tabe tu si Ampliatus na huhaholongi di bagasan Tuhan i.

SURAT NI SI PAULUS TU PARLAGUTAN ROM 16:9

Paboa hamu ma tabengku tu si Urbanus, donganta saparkarejoan na rap dohot hita di bagasan Kristus i. Dohot tu si Stakus na huhaholongi i.

SURAT NI SI PAULUS TU PARLAGUTAN ROM 8:1

Saonnari nada adong be siuhumon di halak na mangolu di bagasan Kristus Jesus.

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

2 KORINTUS 12:2

Hutanda do sada halak Kristen na niangkat tu banua ginjang tingkat patoluhon, opat bolas taon na salpu. (Nada huboto tangkasna sanga na tutu pamatangna i diangkat, sanga na hum parnidaan sajo i – Debata ma na umbotosa.)

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 1:22

Lopus tu hatiha i, anggo angka parlagutan ni halak Kristen na di Judea do, nada tangkas dope ditanda halahi au.

GALATIA 2:2

Huompoti pe kehe tu Jerusalem, hara ni na dung dipatidahon Debata do tu au paboa na angkon kehe au. Jadi di sada pangkataion na buni, jolo mangkobari do au dohot angka halak na idaon songon pamimpin na disi, hupajojor ma tu halahi Jamita Na Denggan na hujamitahon i tu angka halak na so Jahudi. Harana, nada por rohangku gabe sayang boti angka na huhalojahon na salpu i dohot na saonnari.

GALATIA 2:6

Nian, nada pola adong be angka pangalaho na imbaru ditambai angka halak na tarpandang i – anggo di au nada adong imbar ni i sanga halak na tarpandang halahi sanga nada, harana Debata pe nada siida bohi ni jolma Ia.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

KOLOSSE 4:10

Tarhurung do si Aristarkus rap dohot au. Palalu tabe do ia tu hamu. Songon i si Markus ipar ni si Barnabas i. (Madung dipalalu tona tu hamu laho mangalo-alo ia muda ro ia tu hamu on.)

PILEMON 1:23

Palalu tabe do tu ho si Epafras na tarhurung rap dohot au hara ni Jesus Kristus.

1 JOHANNES 4:13

Dibaen madung dilehen Debata TondiNia tu hita, gabe taboto ma na di bagasan ni Debata do hita, jana Ia di bagasan hita.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.