SURAT NI SI PAULUS TU PARLAGUTAN ROM 16:5 - BIBEL JAMITA NA DENGGAN

⁵ Laing pabolkas hamu ma tabengku tu parlagutan na marpungu di bagas ni halahi i. Tabe tu haholongan ni rohangku si Epenetus. Ia ma na parjolo porsaya tu Kristus di Luat Asia.

SURAT NI SI PAULUS TU PARLAGUTAN ROM 16:5 ပူးပေါင်းရင်းမြစ်များ

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

BAENON NI ANGKA RASUL 16:6

Nada dipatola Tondi Parbadia pararaton ni si Paulus dohot si Silas hata ni Debata anggo di Asia. Jadi tu Prigia dohot tu Galatia noma dipatorus halahi mardalan.

BAENON NI ANGKA RASUL 18:12

Dung si Galio gabe gubernur di Akaya, satahi ma halak Jahudi mangalo si Paulus jana dioban halahi ma ia tu pangadilan.

BAENON NI ANGKA RASUL 18:27

Dung i ditahi roha ni si Apollos ma giot kehe tu Akaya. Jadi mambaen surat ma angka halak na porsaya i di Epesus tu angka dongan na porsaya di Akaya anso sonang roha ni halahi manjagit si Apollos. Jadi dung lalu si Apollos di Akaya, marguna situtu do hape pangurupinia tu halak na porsaya hara ni asi ni roha ni Debata.

BAENON NI ANGKA RASUL 2:9

Angka halak Partia do hita, halak Media, halak Elam; halak Mesopotamia; halak Judea; halak Kapadokia; halak Pontus dohot Asia,

SURAT NI SI PAULUS TU PARLAGUTAN ROM 11:16

Muda badia patumonaan i, na badia do muse sude sipanganon i; jana muda badia urat i, na badia do muse dangkana.

SURAT NI SI PAULUS TU PARLAGUTAN ROM 15:26

Harana madung saroha angka parlagutan na di Makedonia dohot na di Akaya laho mangalehen pangurupion tu angka dongan na pogos sian tonga-tonga ni dongan sahaporsayaan.

SURAT NI SI PAULUS TU PARLAGUTAN ROM 16:12

Tabengku tu si Tripena dohot si Triposa na marsitutu karejo mangoloi Tuhan, dohot tu si Persis na nihaholongan. Ia pe madung marsitutu karejo mangoloi Tuhan i.

SURAT NI SI PAULUS TU PARLAGUTAN ROM 16:4

Madung martaru hosa halahi humopkop ngolungku, nada hum au sajo na mandok tarimakasi tapi dohot do sude parlagutan na sian bangso na so Jahudi.

SURAT NI SI PAULUS TU PARLAGUTAN ROM 16:6

Tabengku muse tu si Maria. Songon i ma lojana dihilala ia na markarejo i di hamu.

SURAT NI SI PAULUS TU PARLAGUTAN ROM 16:8

Tabe tu si Ampliatus na huhaholongi di bagasan Tuhan i.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

1 KORINTUS 16:19

Palalu tabe do angka parlagutan na di Asia tu hamu, si Akuila pe dohot si Priskila bope parlagutan na marlagut di bagas ni halahi i, manongos tabe hakristenon na marsitutu do tu hamu.

2 KORINTUS 1:1

Surat sian si Paulus, rasul ni Kristus Jesus markite-hite hagiot ni Debata, dohot sian donganta si Timoteus, manopotkon parlagutan ni Debata na di Korintus, dohot sude dongan sahaporsayaan na di Akaya.

2 KORINTUS 9:2

Angke huboto do na ringgas hamu mangurupi jana hupuji do hamu tu angka dongan na di Makedonia. Hudok do tu halahi, na dung singkop hamu di Akaya on laho mangalehen pangurupion mamungka sian taon na salpu i. Hara ni situtu ni rohamunu i, madung gabe marsitutu muse bahatan sian halahi.

KOLOSSE 4:15

Laing palalu hamu ma tabenami tu angka dongan Kristen na di Laodikea; bope tu si Nimpa dohot tu parlagutan na marsomba di bagasnia i.

PILEMON 1:2

Songon i muse ma tu si Appia ibotonta dohot tu si Arkhipus dongan saparjuanganta dohot tu parlagutan na di bagasmu.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

3 JOHANNES 1:1

Sian Sintua tu si Gayus na nihaholongan, na huhaholongi di bagasan hasintongan i.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.