SURAT NI SI PAULUS TU PARLAGUTAN ROM 16:2 - BIBEL JAMITA NA DENGGAN

² Jagit hamu ma ia di bagasan Tuhan i, songon na tama di angka halak na badia, anso ditolongi hamu ia di sude karejonia muda porlu, harana bahat do diurupi ia angka dongan bope au sandiri.

SURAT NI SI PAULUS TU PARLAGUTAN ROM 16:2 ပူးပေါင်းရင်းမြစ်များ

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

BAENON NI ANGKA RASUL 9:36

Di Jope adong muse do sada anak boru na margoar si Tabita, na porsaya do ia tu Jesus. (Si Dorkas do goarnia di hata Junani, astuanna ursa.) Sai didatdati ia do mambaen na denggan jana sai diurupi ia do angka halak na pogos.

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

BAENON NI ANGKA RASUL 9:41

Ditangkup si Petrus ma tanganna i manogu ia laho jongjong. Dung i dipiohon si Petrus ma angka na porsaya i rap dohot angka ina na mabalu i, dipasahat ia ma si Dorkas na mulak mangolu i tu halahi.

SURAT NI SI PAULUS TU PARLAGUTAN ROM 15:7

Antong marsijagitan ma hamu sama hamu, songon panjagit ni Kristus di hamu sude laho pasangapkon Debata.

SURAT NI SI PAULUS TU PARLAGUTAN ROM 16:15

Tabe tu si Pilologus dohot si Julia; tu si Nereus bope tu ibotonia i; tu si Olimpas dohot tu sude angka na porsaya na rap dohot halahi.

SURAT NI SI PAULUS TU PARLAGUTAN ROM 16:23

Manongos tabe do si Gayus tu hamu angka dongan. Di bagasnia do au manompang jana laing di bagasnia do hami margareja. Si Erastus kapala ni sitiop hepeng ni pamarenta ni kota i pe laing manongos tabe do tu hamu. Songon i si Kuartus donganta i. [

SURAT NI SI PAULUS TU PARLAGUTAN ROM 16:6

Tabengku muse tu si Maria. Songon i ma lojana dihilala ia na markarejo i di hamu.

SURAT NI SI PAULUS TU PARLAGUTAN ROM 16:9

Paboa hamu ma tabengku tu si Urbanus, donganta saparkarejoan na rap dohot hita di bagasan Kristus i. Dohot tu si Stakus na huhaholongi i.

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

PILIPPI 2:29

Jadi jagit hamu ma ia di bagasan Tuhan i dohot sude jop ni roha songon dongan sahaporsayaan. Argahon hamu ma sanga ise halak na songon ia.

KOLOSSE 4:10

Tarhurung do si Aristarkus rap dohot au. Palalu tabe do ia tu hamu. Songon i si Markus ipar ni si Barnabas i. (Madung dipalalu tona tu hamu laho mangalo-alo ia muda ro ia tu hamu on.)

1 TIMOTEUS 2:10

Gumonan ma angka pangalaho na denggan dibaen halahi pakeanna songon na patut di angka dadaboru na marsomba tu Debata.

2 TIMOTEUS 1:18

Jana di Epesus pe na dung bahat sajo do pangurupinia tu au. Taringot tusi pe madung diboto ho i. Sai denggan ma roha ni Tuhan mangalehen asi ni rohaNa tusia muda ro Tuhan manguhumi sudena jolma manusia.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

PILEMON 1:12

Tampuk ni pusupusungkon, hutongos mangulahi saonnari tu ho.

PILEMON 1:17

Jadi, hara ni na nietongmu au songon dongan Kristen, antong jagit ma si Onesimus mangulahi dos songon na manjagit au.

2 JOHANNES 1:10

Hara ni i, muda adong halak na ro jana manjamitahon tu hamu pangajaran na so niajarkon ni Kristus, ulang ma jagit hamu halakna i di bagasmunu; jana ulang dok hamu “Horas” tu halahi.