SURAT NI SI PAULUS TU PARLAGUTAN ROM 16:18 - BIBEL JAMITA NA DENGGAN

¹⁸ Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

SURAT NI SI PAULUS TU PARLAGUTAN ROM 16:18 ပူးပေါင်းရင်းမြစ်များ

2 SAMUEL 15:6

Sai songon i ma dibaen si Absalom tu ganop halak Israel na giot mambaen parkarona tu raja i, jana songon i ma dibaen si Absalom laho mambuat roha ni halak Israel.

2 JUJUR TAON 18:5

Jadi gabe dipalagut si Ahab ma opat ratus halak panurirang lalu disapai ia ma tu halahi, “Tola dehe au kehe mamorangi Ramot sanga nada?” ning ia. “Tola!” ning halahi mangalusi. “Lehenon ni Debata do hamonangan di raja i.”

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

PODA 14:15

Halak na oto porsaya do di sasudena, tapi anggo halak na bisuk diparrohahon do dalanna.

PODA 22:3

Monjap do halak na marroha muda diida ro jaya; anggo halak na bodo sai mardalan do torus gabe marmara.

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

JEREMIA 23:17

Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEHESKIEL 13:16

i ma angka panurirang na mandok taringot tu Jerusalem jana madung adong disia alatan taringot tu dame, hape nada adong dame.” Songon i ma pandok ni Tuhan Debata.

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

DANIEL 11:34

Jadi taran mardalan pamunuon i, dapotan pangurupion ma saotik bangso ni Debata, jana bahat ma halak na ro pasadahon dirina tu halahi tapi nada sian roha na situtu.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MATEUS 24:11

Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 16:19

Angke diboto halak do sudena taringot tu pangoloionmunu, jadi jop do rohangku hara ni hamu jana di pangido rohangku, anso pistar hamu tu na denggan, tapi ias maradopkon hajahatan.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

2 KORINTUS 4:2

Nada hami baen dalan na so ture. Nada ra hami markarejo mamake akal-akal sanga na pabalik-balikkon pandohan ni Debata. Torus torang do hami paboa sanga na aha na nipangido ni roha ni Debata. Jadi, marguru tu sada-sada halak ma laho manimbangi hami di bagasan taroktokna be di adopan ni Debata.

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

PILIPPI 2:21

Anggo na asing i do, hum na pareso tu dirina sandiri be do, jana nada tu haporluan ni Jesus Kristus.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

KOLOSSE 2:4

Hupaboa pe i tu hamu, anso ulang adong do sanga ise na paoto-otohon hamu dohot hata na tabo begeonmunu.

KOLOSSE 3:24

Diboto hamu do bahaso sian Tuhan i do jagitonmunu, na dung ditontuhon hian. Kristus do Tuan i jana hamu ma angka hatobanNia.

2 TESSALONIKA 2:10

Pakeonnia ma sude bisuk na jahat laho paliluhon angka jolma na giot tu hamagoan. Uhumon ma halahi hara ni na so ra manjagit jana nada ringkot roha ni halahi di barita na sintong i na sian Debata, na tuk nian paluahon halahi.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

1 SAMUEL 2:29

Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?