SURAT NI SI PAULUS TU PARLAGUTAN ROM 16:13 - BIBEL JAMITA NA DENGGAN

¹³ Tabe tu si Rufus dohot inanta i, na gabe songon dainang do i di au sandiri. Halak na tarpuji do si Rufus, na nipili ni Tuhan.

SURAT NI SI PAULUS TU PARLAGUTAN ROM 16:13 ပူးပေါင်းရင်းမြစ်များ

MATEUS 20:16

Dung i didok Jesus ma mangulahi, “Songon i muse ma angka halak na parpudi, gabe parjolo. Halak na parjolo hian gabe parpudi.”

MARKUS 15:21

Di tonga dalan i dipaksa halahi ma sada halak maroban hayu parsilang ni Jesus i. Na ro sian huta-huta do bayo i topet giot tu kota. (Si Simon goarna, i ma halak Kirene. Amang ni si Aleksander dohot si Rufus.)

MARKUS 3:35

Halak na mambaen lomo ni roha ni Damang, angka i do kahanggingKu dohot ibotongKu dohot Dainang.”

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 19:27

Dung i didok Jesus ma tu siseanNia i, “Ligi ma, inangmu do indon!” Mamungka sian i dioban sisean i ma inang ni Jesus tinggal di bagasnia sandiri.

SURAT NI SI PAULUS TU PARLAGUTAN ROM 16:12

Tabengku tu si Tripena dohot si Triposa na marsitutu karejo mangoloi Tuhan, dohot tu si Persis na nihaholongan. Ia pe madung marsitutu karejo mangoloi Tuhan i.

SURAT NI SI PAULUS TU PARLAGUTAN ROM 16:14

Palalu ma tabengku tu si Asinkritus, si Plegon, si Hermes, si Patrobas, si Hermas dohot tu sude angka dongan na rap dohot halahi.

EPESUS 1:4

Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

1 TIMOTEUS 5:2

jana angka dadaboru na matobang, songon inanta sandiri. Tu angka bujing-bujing, angkon ias sun do baenonmu pangalahomu, songon tu ibotomu sandiri.

2 JOHANNES 1:1

Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.