SURAT NI SI PAULUS TU PARLAGUTAN ROM 16:12 - BIBEL JAMITA NA DENGGAN

¹² Tabengku tu si Tripena dohot si Triposa na marsitutu karejo mangoloi Tuhan, dohot tu si Persis na nihaholongan. Ia pe madung marsitutu karejo mangoloi Tuhan i.

SURAT NI SI PAULUS TU PARLAGUTAN ROM 16:12 ပူးပေါင်းရင်းမြစ်များ

MATEUS 5:47

Muda hum donganmunu do dijalang hamu, aha ma pola surungmunu disi?

MATEUS 9:38

Hara ni i pangido hamu ma tu nampuna sabion i, anso disuru Ia halak laho manyabi sabion i.”

SURAT NI SI PAULUS TU PARLAGUTAN ROM 16:11

dohot tu si Herodion. Samarga do i dohot au. Dohot tabe tu angka dongan sabagas ni si Narkisus, na rap porsaya tu Tuhan.

SURAT NI SI PAULUS TU PARLAGUTAN ROM 16:13

Tabe tu si Rufus dohot inanta i, na gabe songon dainang do i di au sandiri. Halak na tarpuji do si Rufus, na nipili ni Tuhan.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

1 KORINTUS 16:16

Situtu ni rohangku manyosoi hamu, ihutkon hamu ma pamimpin na songon ia i, bope angka dongan na asing na markarejo dohot mangoloi rap dohot halahi.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.