SURAT NI SI PAULUS TU PARLAGUTAN ROM 16:10 - BIBEL JAMITA NA DENGGAN

¹⁰ Tabe tu si Apelles, na polin di bagasan Kristus i. Tabengku muse tu dongan sabagas ni si Aristobulus,

SURAT NI SI PAULUS TU PARLAGUTAN ROM 16:10 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 16:3

Palalu hamu ma tabengku tu si Priskila dohot si Akuila, i ma angka donganku saparkarejoan di bagasan Kristus Jesus.

SURAT NI SI PAULUS TU PARLAGUTAN ROM 16:7

Laing pasahat hamu ma tabengku tu si Andronikus dohot tu si Junias. Dongan samargangku do halahi na dua jana unjung do halahi rap tarhurung dohot au. Dompak so porsaya dope au tu Kristus, madung parjolo halahi porsaya. Tarbonggal do halahi di tonga-tonga ni angka rasul.

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

1 KORINTUS 11:19

Madung sapatutna masa parsalisian di hamu, anso tarida sanoli on sanga ise Kristen na tahan uji.

2 KORINTUS 12:2

Hutanda do sada halak Kristen na niangkat tu banua ginjang tingkat patoluhon, opat bolas taon na salpu. (Nada huboto tangkasna sanga na tutu pamatangna i diangkat, sanga na hum parnidaan sajo i – Debata ma na umbotosa.)

2 KORINTUS 2:9

Hubaen pe surat i tu hamu, laho manguji rohamunu do au sanga na tongtong do hamu ra mangoloi angka sipaingotku.

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

2 KORINTUS 8:22

Laing hami suruhon do sahalak donganta na asing rap dohot si Titus donganta i. Madung jotjot ia hami uji jana tongtong do sai ra ia mangurupi. Tarlobi-lobi saonnari, ringgas do rohania laho mangurupi hamu hara ni godang ni arop ni rohania di hamu.

GALATIA 1:22

Lopus tu hatiha i, anggo angka parlagutan ni halak Kristen na di Judea do, nada tangkas dope ditanda halahi au.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

PILIPPI 2:22

Hamu sandiri pe madung diida hamu buktina na marguna si Timoteus. Marsitutu do ia na karejo i rap dohot au laho pararatkon Jamita Na Denggan i na sian Debata. Songon ama tu anakna do hami na dua.

1 TIMOTEUS 3:10

Angkon jolo niuji ma halahi nian, jadi muda torang do na so adong tilako ni halahi sanga na aha, i pe anso tola halahi mangurupi di parlagutan i.

2 TIMOTEUS 4:19

Tabengku tu si Priskila dohot si Akuila dohot tu dongan sabagas ni si Onesiporus.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.