SURAT NI SI PAULUS TU PARLAGUTAN ROM 15:4 - BIBEL JAMITA NA DENGGAN

⁴ Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

SURAT NI SI PAULUS TU PARLAGUTAN ROM 15:4 ပူးပေါင်းရင်းမြစ်များ

MASMUR 102:18

Suratkon ma sude na nibaen ni Tuhan, baen di sundut na ro di pudi, anso bolas Ia pujion ni bangso na so tubu dope tu portibi on.

MASMUR 119:50

Salang di pardangolanku laing tarapul do rohangku, angke dilehen janjiMi do ngolu di au.

HABAKUK 2:2

Dialusi Tuhan ma tu au songon on, “Tangkas ma suratkon tu batu lei, sanga aha na Hupaboa tu ho, anso mura siseon ni angka na mamolus.

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

1 KORINTUS 10:11

Masa pe sudena i, na gabe tiruan do i tu angka halak na asing. Jana nisuratkon do sudena i anso gabe parningotan di hita. Angke di hatiha parpudi noma hita mangolu.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.